|
 |
 |
 |
 |
 |
 |
 |
|
|||||||
| زبان ادب و فرهنگ کردی مسائل مربوط به زبان و ادبیات و فرهنگ کردی از قبیل شعر داستان نوشته نقد بیوگرافی و .... kurdish culture |
 |
|
|
ابزارهای موضوع | نحوه نمایش |
|
#701
05-24-2015
|
||||
|
||||
غه‌زه‌لێکی که‌ی ڕه‌حمه‌تی" میرزا ئه‌سه‌دوڵڵا غوڵامعه‌لی" "هيلالی ئه‌برووان" هيلالی ئه‌برووانت پێم ده‌ده‌ن ماهانه ماهانهده ئه‌و مانگه به قوربانم که قوربان، جه‌ژنی قوربانه پياڵه‌ی چاوه‌کانی تۆ ئه‌ڕێژن مه‌ی به سه‌ر دڵما دڵم هێند مه‌سته نازانێ به موژگان تيره‌بارانه وه‌ره خاهيش ده‌که‌م ڕووحم! قه‌بووڵ که لێم سه‌ر و ڕۆحم به‌های عه‌تری وه‌نه‌وشه و شه‌وبۆی ئه‌و ورده خاڵانه به‌وه مه‌علووم بووه ئاوی حه‌ياته له‌عله‌که‌ت، ديده‌م که نامرێ هه‌ر که ماچ کا يه‌ککه‌ڕه‌ت، ئه‌و لێوه ئاڵانه ده‌ڵێن بيمار سه‌يری باغ و ئه‌کلی ميوه بۆی چاکه عه‌تا که سا، له باغی سينه ئه‌و دوو ليمۆ کاڵانه به شه‌وقی نووری سه‌ر کوڵمه‌ت، دڵ ئارامی نيه يه‌کده‌م وه‌کوو منداڵ گڕووی گرته بۆ ئه‌و دوو سێوه سوورانه ته‌بيب چاره‌ی دڵم چۆن کا دڵم لای خۆم نه‌ماوه من له مێژه حه‌بسه، زنجيره، به تای ئه‌و زولفه خاوانه جه‌ماڵت که‌عبه‌يه قوربان مه تافی عاله‌مه بۆيه ته‌ماشای ڕه‌نگ و ڕوخسارت نيشانه‌ی دين وئيمانه ئه‌گه‌ر به‌و نێرگسه کاڵه، نيگاهێکی به من که‌ی تۆ به مه‌جنوونی ده‌بێ ڕوو که‌م له ئه‌و چۆڵ و بيابانه "ئه‌سه‌د" ڕۆح وسه‌ر و ماڵی ئه‌گه‌ر مه‌تڵه‌ب بێ بۆيه‌تی نيساری کا له مه‌يخانه به يادی چاوی جانانه
__________________
شاره که م , به ندی دلم , ئه ی باغی مه ن
ره وره وه ی ساوایه تیم , سابلاغی مه ن دل به هیوات لیده دا , لانکی دلی تو له وه رزی یادی مه ن دا , سه رچلی خالید حسامی( هیدی ) 
|
| جای تبلیغات شما اینجا خالیست با ما تماس بگیرید | |
|
|
|
|
#702
05-24-2015
|
||||
|
||||
|
ئه‌ستێره
شه‌و نه‌بوو نه‌شکێ دڵم، نه‌گریم به ده‌رد و ژانه‌وه هه‌ر له ئه‌ستیره‌م ڕوانی و، یه‌ک به یه‌ک کووژانه‌وه من له گه‌ڵ فرمێسکی گه‌ش هاتم په‌ژاره‌م هه‌ڵوه‌راند بوو به ڕیحانه‌ی ڕه‌ش و بۆم هاته نێو گوڵدانه‌وه خوێنی دڵ بۆنی غوباری ڕێی غه‌ریبیی لێده‌هات، چه‌شنی ئاسک چونکه وێڵ بوو به‌و ده‌ر و ده‌شتانه‌وه ڕۆژگارێکه که من هه‌ر چاوه‌ڕوانی تۆ ده‌که‌م خۆش نییه بمرم له ڕێت، به‌و چاوی چاوه‌ڕوانه‌وه دڵ، به‌وه‌ش ڕازی ده‌بوو یه‌ک ئاهی گه‌رمی تێگه‌ڕێ هاته سه‌ر لێو، گه‌ییه ئاھ و ڕۆی به ده‌م زریانه‌وه پێی بڵێن بێ، شاری شیعرم پڕ له وێنه‌ی شیرنه چی ده‌کا فه‌رهاد ئاخر، به‌و که‌ژ و کێوانه‌وه؟ ناسری حیسامی
__________________
شاره که م , به ندی دلم , ئه ی باغی مه ن
ره وره وه ی ساوایه تیم , سابلاغی مه ن دل به هیوات لیده دا , لانکی دلی تو له وه رزی یادی مه ن دا , سه رچلی خالید حسامی( هیدی )
|
|
#703
05-24-2015
|
||||
|
||||
|
ئه‌و چاوانه وا خوماری نازن
به ئیما ئیمان له‌مه ده‌خوازن! هاته‌ده‌ر وه‌ک ڕۆژ، شای شه‌که‌رلێوان غه‌مزه‌که و ڕه‌مزی تورکی پێشتازن ده‌ستی هێناده‌ر پێی له سه‌مادا چاومه‌ست، چاوبه‌ستن یا سیحربازن؟ زوهره‌ی یه‌غما کرد، موشته‌ریی کێشا خرینگه‌ی خڕخاڵ، جرینگه‌ی بازن به بار نۆبه‌ره‌ی شکۆفه و گوڵن یا غونچه‌ی دوگمه‌ی سینه‌که‌ی وازن؟ به نه‌سیم پشکووت باغچه‌که‌ی سێوان یا له ئاهی من دوگمه ده‌ترازن؟ نازانم بۆچ وا ڕوح و دڵ که‌وتوون! غه‌رقی خوێناوی جێی داغ و گازن؟ یا کوشته‌ی غه‌مزه‌ی ئه‌و دوو چاوانه‌ن یا ڕه‌نجه‌ی په‌نجه‌ی شه‌هێن و بازن سیڕری زاری تۆ من به که‌س ناڵێم ڕه‌نگ: زه‌رد، ئه‌شک: ئاڵ، هه‌ردوو غه‌ممازن! ئه‌وانه‌ی عاشق به چاو و زارن تا ئه‌به‌د سه‌رخۆش، مه‌حره‌می ڕازن، موتریب و موقری ده‌م‌به‌ده‌م‌گۆیان بولبولن، قومرین، نه‌غمه‌په‌ردازن دڵ ده‌ناڵێنێ، ڕوح له شیوه‌ندا قودسی و ئینسییان چه‌ند خوشئاوازن! ده‌نگی من و تۆ، بۆ به‌زمی خوسرۆ چه‌نگ و نه‌ی و عوود، باز و شه‌هبازن ده‌نوێنێ ڕوخ و گه‌نجی پنهانی ته‌لیسمی ته‌وق و گوڵبه‌رۆک بازن! که‌مه‌نده‌ی ئاسکان، هاتوچۆی بازان هه‌موو بۆ خاتر چاوه‌که‌ی بازن! قه‌فه‌سی به‌ده‌ن ته‌نگ و تاریکه مورغی دڵ و جان، بازی په‌ڕ وازن وه‌فایی ناژی، به تاری زولفت سه‌رتاپێی ئازای، که مارا‌نگازن وه فائی مه هابادی
__________________
شاره که م , به ندی دلم , ئه ی باغی مه ن
ره وره وه ی ساوایه تیم , سابلاغی مه ن دل به هیوات لیده دا , لانکی دلی تو له وه رزی یادی مه ن دا , سه رچلی خالید حسامی( هیدی )
|
|
#704
05-24-2015
|
||||
|
||||
|
دڵت نه‌شکێ ! وه‌ره بنوێنه خۆت, بمکووژه قوربان! به دینێک کوشتنی عاشق سه‌وابه! وه‌ره بنواڕه به‌زمی عاله‌می دڵ چ خۆش ده‌ورێکه! هوشیاری خه‌رابه! ئه‌گه‌رچی ناڵه‌یه هه‌ر شه‌وق و زه‌وقه ئه‌گه‌رچی گریه‌یه عه‌ینی سه‌وابه! له سه‌ر ڕوو کازیبه‌ی زولفت وه‌لا به که سادق بێ تولووعی ئافتابه! دڵ و دین هه‌رچی بوو قوربانی تۆ بوو هه‌تا که‌ی ئیدی ئه‌و ناز و عیتابه؟ بڵا به‌و ڕۆژه نیلووفه‌ڕ نه‌سووتێ به مه‌رگی من سه‌ری زولفت وه‌لابه! له عه‌کسی عاریزت فرمێسکی چاوم گوڵاوی ڕووته، هه‌م خوونابی نابه! وه‌ره بنوێنه خۆت, بمکووژه قوربان! به دینێک کوشتنی عاشق سه‌وابه! وه‌ره بنواڕه به‌زمی عاله‌می دڵ چ خۆش ده‌ورێکه! هوشیاری خه‌رابه! ئه‌گه‌رچی ناڵه‌یه هه‌ر شه‌وق و زه‌وقه ئه‌گه‌رچی گریه‌یه عه‌ینی سه‌وابه! به ناڵینی دڵی سووتاوی عاشق هه‌موو هه‌ر نه‌غمه‌یی چه‌نگ و ڕوبابه به چاو و گه‌رده‌ن و ڕوخساری، ساقی هه‌موو هه‌ر شاهید و شه‌مع و شه‌رابه کوتم با قیمه‌تی وه‌سڵت به دڵ بێ به ماچێکیش له زاری خۆت ڕه‌زا به! که‌چی فه‌رمووی دڵت نه‌شکێ وه‌فایی ئه‌وه سه‌ودایه زه‌ڕڕێکیش حیسابه! وه‌فایی
__________________
شاره که م , به ندی دلم , ئه ی باغی مه ن
ره وره وه ی ساوایه تیم , سابلاغی مه ن دل به هیوات لیده دا , لانکی دلی تو له وه رزی یادی مه ن دا , سه رچلی خالید حسامی( هیدی )
|
|
#705
05-24-2015
|
||||
|
||||
|
ده‌مکوژێ و پێشم ده‌ڵێ ئالووده دامانم مه‌که!
غه‌مزه‌ده‌ی خۆتم، نیشانه‌ی تیری موژگانم مه‌که! عاشقی ڕووتم عه‌زیزم! تیره‌بارانم مه‌که! به‌س دڵم بشکێنه به‌م ئه‌برۆیه بۆ ماچی ده‌مت مه‌مده به‌ر تیغ و له‌سه‌ر هیچێ له گریانم مه‌که! چیم له ئه‌برۆت داوه من، پابه‌ندی زولفم، لێم‌گه‌ڕێ! کافری عیشقم، به قیبله‌ی خۆت موسوڵمانم مه‌که! عاشقی خه‌ندێکی تۆم، با به‌س به ئاھ و ناڵه بم بولبولم په‌روانه نیم و حه‌ز له سووتانم مه‌که! دڵ به من ناکا له‌به‌ر ئاوری ده‌روونم دێته جۆش تۆ - که سووتانت نه‌دیوه- مه‌نعی گریانم مه‌که! مه‌مده به‌ر تابووری موژگانت هه‌تاکوو غه‌مزه بێ ها به جارێ بمکوژه! یه‌خسیری تورکانم مه‌که! سه‌د که‌ڕه‌ت کوژراوی یار بم لێم مه‌پرسه ئه‌ی ته‌بیب! ده‌ردی یارم خۆشتره، بێهووده ده‌رمانم مه‌که! پێم بڵێ: یاقووت و ڕیحان خه‌تتی کامیان خۆشتره؟ وا غه‌واره‌ی چاو و ئه‌برۆ و له‌علی خه‌ندانم مه‌که! په‌نجه‌که‌ی پاکی له‌سه‌ر خوێنی وه‌فایی بۆته گوڵ ده‌مکوژێ و پێشم ده‌ڵێ: ”ئالووده‌دامانم مه‌که“! وه‌فایی
__________________
شاره که م , به ندی دلم , ئه ی باغی مه ن
ره وره وه ی ساوایه تیم , سابلاغی مه ن دل به هیوات لیده دا , لانکی دلی تو له وه رزی یادی مه ن دا , سه رچلی خالید حسامی( هیدی )
|
|
#706
05-24-2015
|
||||
|
||||
|
تینوویه‌تیم به ماچ ده‌شكێ
كۆچه و ئه‌و كۆچه‌شم به بێ تۆ كرد شه‌وداوه‌ته و شاییم به بێ دۆ كرد تینووم، تینوویه‌تیم به ماچ ده‌شكێ غه‌ریبم، ته‌نیاییم ده‌سته‌مۆ كرد ناتگه‌مێ، سه‌رێكم لێ هه‌ڵێنه چاوه‌ڕوانیی چاوانمی كه‌م سۆ كرد شینه دووریی كه‌س و یار و وه‌ته‌ن كوا فرمێسک، شینیشم به ڕۆ ڕۆ كرد با به‌سته‌ی ژیان گه‌رووی ویشكم ته‌ڕ كا گۆیێنه ژیان، ئه‌ویشم بێ گۆ كرد. هێدی
__________________
شاره که م , به ندی دلم , ئه ی باغی مه ن
ره وره وه ی ساوایه تیم , سابلاغی مه ن دل به هیوات لیده دا , لانکی دلی تو له وه رزی یادی مه ن دا , سه رچلی خالید حسامی( هیدی )
|
|
#707
05-24-2015
|
||||
|
||||
|
بۆ مه‌هاباد
شاره‌كه‌م، به‌ندی دڵم، ئه‌ی باغی من! ڕه‌وڕه‌وه‌ی ساوایه‌تیم، سابڵاغی من دڵ به هیوات لێده‌دا، لانكی دڵی تۆ له وه‌رزی یادی من دا سه‌رچڵی ببیه ناڵه‌م، من له سوێیانت گڕام من له تۆ بووم و له یاران دابڕام دووره یارم، دووره یارم، دووره یار ڕاونراو و ده‌ركراو و دووره شار دڵ مه‌گۆڕه، لێم مه‌تۆرێ، یاری تۆم ڕووگه‌كه‌م! كوێستانی دڵ! ئه‌ی زێدی خۆم! هێدی
__________________
شاره که م , به ندی دلم , ئه ی باغی مه ن
ره وره وه ی ساوایه تیم , سابلاغی مه ن دل به هیوات لیده دا , لانکی دلی تو له وه رزی یادی مه ن دا , سه رچلی خالید حسامی( هیدی )
|
|
#708
05-24-2015
|
||||
|
||||
|
شیعری ( بگری) له ملوانکه ی شین
بگري دايه گيان بگري له سه ر خاكم كه وا شينم ده وي زور بگريه دايه گيان فرميسكي خوينينم ده وي من گولي سه د ئاره زوي ژينم له خاكا خه وتووه خاكي مه يداني خه بات ره نگيني خويني من بووه دامه نيشه دايه گيان بو هاتني من چاوه ري دلنيا به ،به سيه تي ، بو ده نگي ده رگا مه گره گوي دايه گيان سويندم به فرميسكي گه ش و ئيشي دلت دايه گيان سويندم به جه ور و مه ينه تي بي حاسلت من ده ميكه جه رگي سوتاندوم هه ناسه ي سه ردي گه ل دلپري كردوم خه مي ده سكورتي و ره نگ زه ردي گه ل من كوري كوردي شه هيدي ري ي خه باتم دايه گيان كوتري خوينين په ري باخي ولاتم دا يه گيان هه روه كو بيگانه يي دل پر له ناكامي و گري له م هه مو ده سته، نه بو ده ستي ،كه بي و ده ستم گري من له شاري خوم غه ريب و بو هه مو بيگانه خوم كوتري كوژراوي ريگاي لانه خوم،بي لانه خوم دايه گيان بگري له سه ر خاكم كه وا شينم ده وي زور بگريه دايه گيان فرميسكي خوينينم ده وي دايه گيان ئه و كيژه وا ئه تويس به بووكي تو بيت خوت بده نيشاني جاري با به هيواي من نه بيت تاكو بت بيني كه ره ش پوشي له سه ر تا پاته وه دايه گيان بگري له سه ر خاكم كه وا شينم ده وي زور بگريه دايه گيان فرميسكي خوينينم ده وي ماموستا شه ریف
__________________
شاره که م , به ندی دلم , ئه ی باغی مه ن
ره وره وه ی ساوایه تیم , سابلاغی مه ن دل به هیوات لیده دا , لانکی دلی تو له وه رزی یادی مه ن دا , سه رچلی خالید حسامی( هیدی )
|
|
#709
05-24-2015
|
||||
|
||||
|
بولبوولی باڵ شكاوی وه‌ختی گوڵم
هه‌ر شه‌پۆلان ده‌دا دڵی له كوڵم كوردی به‌ندی به‌یانی نه‌ورۆزم گڕی گرتوه ده‌روونی پڕسۆزم موغی بێ ئاگری شه‌وی یه‌لدام چاوه‌ڕێ چاره‌نوسی نا په‌یدام كه‌وی بێ ده‌نگی نه‌و به‌هارانم گوڵی بێ ره‌نگی چاو له بارانم كونجی جێژوانی چۆڵ‌وخامۆشم سێبه‌ری نازه‌نینی ره‌ش‌پۆشم ده‌ستی به‌ر‌بووی كچی گه‌ڕی شاییم هه‌ستی خنكاوی لاوی سه‌وداییم كێلی گۆڕی شه‌هیدی گومناوم تاكه‌داری كڕووزی بێ‌ئاوم ده‌فته‌ری شێعری شاعیری رووتم شه‌می سه‌ر گۆڕوداری تابووتم مامۆستا هێمن
__________________
شاره که م , به ندی دلم , ئه ی باغی مه ن
ره وره وه ی ساوایه تیم , سابلاغی مه ن دل به هیوات لیده دا , لانکی دلی تو له وه رزی یادی مه ن دا , سه رچلی خالید حسامی( هیدی )
|
|
#710
05-24-2015
|
||||
|
||||
|
په یامی من به گوی ی ئه و دولبه ره نازداره راناگا
نه‌سیــــم بێ سیـــم ده‌بینێ ، شل ده‌بێ ، به‌م كاره‌راناگا گوتی ســـه‌یرت هــه‌بێ دووباره دێـــمه دیتـــنت ئه‌مما له كـورتی‌دا تـــه‌مه‌ن ، وادیـــاره به‌و دیـداره رانـــاگا وه‌كــوو پـــه‌روانـه ده‌وری لێ ده‌ده‌ن لاوانی خۆوڵاتی گـوڵی ئـێره بـه ژوانی بـولـبولـــــی ئـــاواره رانـــاگا نـه‌خــــۆش و ده‌رده‌دار و دڵ‌بـــرینـــدارم، پره‌ستارێك به حــاڵی ئه‌م دڵــه پــڕژان و پــــڕ ئــــازاره رانــــاگا ده‌كه‌ی ماچی ده‌م و لێوان ئه‌گه‌ر هــێز و گــورێكت بێ ده‌نا جــوانێــك بـــه ده‌ردی ئـاشـــقی بێ‌چــــاره راناگا هه‌تا كۆمتر ده‌بـێ پشتـم پتر هه‌ڵده‌كشــێ مـــینـــی‌ژۆپ ئـــیتر ده‌ستــم به داوێنــی كـــچی ئــــه‌م شـــاره راناگا ده‌بێ بولبول له من فێر بێ غه‌زه‌ڵخوێنی، بـه‌ڵام چبكه‌م گـــرفــتارم ، چـریكه‌م به‌و گـــوڵ و گـــــوڵزاره راناگا ماموستا هیمن
__________________
شاره که م , به ندی دلم , ئه ی باغی مه ن
ره وره وه ی ساوایه تیم , سابلاغی مه ن دل به هیوات لیده دا , لانکی دلی تو له وه رزی یادی مه ن دا , سه رچلی خالید حسامی( هیدی )
|
|
| کاربران در حال دیدن موضوع: 1 نفر (0 عضو و 1 مهمان) | |
| ابزارهای موضوع | |
| نحوه نمایش | |
حالت خطی
|
|
اکنون ساعت 09:52 PM برپایه ساعت جهانی (GMT - گرینویچ) +3.5 می باشد.