پخشــان...

[behnam5555]

بەڵێن بدە کە تاریکیم بۆ رانەخەی ….
بەڵێن بدە کە شەختە بەند نەخەیتە بەر پێم….
منیش بەڵێنت پێ ئەدەم دان بە رابردووما بنێم ….
پێش چاوی تۆ لە پەرداخەی وەنەوشەیی چاوی ترم پێک هەڵداوە….
پێش نامەی تۆ قژی گەلێ نامەی ترم داهێناوە….
پێش سنگی تۆ زۆر سنگی تر چەپکە گوڵی تەزووی سوریان بۆ چنیوم....
پێش ژوانی تۆ زۆر ژوانی تر رێگای دووریان پێ بڕیوم ….
شاعیرێک بووم گەرووی وشکم بەدوای قومێ ئاوا وێڵ بوو ....
بۆ بارانی هەر ئاسمانێک نوشتامەوە ئاوی ڵێڵ بوو....
گەر ئەتەوێ خوێنی دەمارم بی شیعرم بی داستانێک بی بێ کۆتایی...
گەر ئەتەوێ خۆشەویستیت بەدوای دانی ماچێ زەردی ماڵئاوایی یە...
بەڵێن بدە ئاسمانم بی بەڵێن بدە هەناسەم بی سێبەرم بی بارانم بی
تاکو منیش شانەی کۆنم جێ بهێڵم دەمامەکی رووم فڕێ دەم .....
دوو باڵی خۆشەویستی لە گەردەنت گرێ بدەم ....
بەڵێن بدە.... بەڵێن بدە.....
بیرمە...بیرمە کە مناڵ بووم پەپولەیەکم ئازاردا....
بۆیە ئێستا ئەم پەپولەیە ئازارم دەدا...
ئەی ئەو کەسەی....
ئەی ئەو کەسەی لە فیراقی تەنیایی یەوە دەستت گرتم و بەرەو نۆڤینی ژیان ....
ئەی بۆ ئێستا دوای ساڵانی خۆشەویستی بەرەو دونیای مەرگم ئەبەی...
بەرەو دونیای مەرگم ئەبەی...

[behnam5555]

ئەستێرە ژن..
ئەم هەموو ئەستێرانە لە ئاسمانی ژندا ئەکوژێنەوە.. ئیتر پێم ناڵێی مانگ چۆن رووی بێ ئاسمانی بێ ئەستێرە لە باوەش بگرێ.. رۆژ ئیتر تاقەتی هەڵهاتنی نامێنێ کە ئەبینێ ژیان نیگەرانە لە کوشتنی ئەو ئەستێرانە.. ئیتر زەوی لە سووڕان ئەوەستێ.. رووبارەکان لە رۆیشتندا رێگاکانیان بزر ئەکەن.. وەرزەکان ئیتر نامەی دڵداریی لەگەڵ سروشت ناگۆڕنەوە...

ئاخر ئەم هەموو ئەستێرە ژنە بۆ لە ناو ئەچن.. ناترسن ئیتر ئەگەر شەوەکان بێ ئەستێرە بن رۆژیش پشت لە ژیان بکا و نەیەتەوە!!!

ناترسن لەوەی رۆژ بە شپرزەیی هەڵبێ و لە بری خۆر چنگێ ئەستێرەی دڵشکاو لەگەڵ خۆی بێنێ.. ناترسن ئیتر ژیان لێتان یاخی بێ و نازتان هەڵنەگرێ.. لە جێێ ئاسوودەیی حەسرەت جێگاتان بۆ بگریتەوە.

ئاخر ئەم هەموو ئەستێرە ژنە هەموو رۆژێک لە ئاسمانی دڵی سروشت ئەکوژێنەوە.. کێ ئیتر نامەی دڵداریی لەگەڵ پیاوەکان بگۆڕێتەوە.. ئەگەر ئەستێرەکان لە ئاسمانی ژینی ئەوان بکوژێتەوە.. ناترسن ئیتر ئاو لە رۆیشتن یاخی بێ و ژیان بە خۆی و رۆژمێرەکانیەوە سەری خۆی هەلگرێ و نەگەڕێتەوە.

لە سروشتی ئەم ژینەدا هەموو رۆژێک ئەستێرە ژنێک ئەکەنە دیلی دەستی پیاوسالاریی و تارمایی و سۆز و ئەوینی پڕ ترووسکەی ئەکوژێننەوە.. ئیتر ژیان دەرگاکانی بە کلیلی بەختەوەریی ناکاتەوە...

ئەو کاتەی کە ژنێک پرچی لە بەر رۆشنایی خۆر شانە ئەکا هەزاران باخچە لە دایک ئەبن.. وەرزەکان پێشوازیی لە میهری ئەوان ئەکەن.. شکۆفە بە نازەوە بۆیان ئەدوێ.. فریشتە ئیتر سەری خۆی هەڵئەگرێ جارێکی تر رووی گەڕانەوەی نامێنێ بۆ ژیان.
ئەڵماس مستەفا

[behnam5555]

نقاش

جار جار وه هاریش به پاییز مانو...

زه ردو خه مینا سه وزی گه لاکه ش

بی به ر مرمانو شکوفه باخش

جار جار ئاوه کیش ،ته ژنایی مارو

یه خو وه روه کیش سیاو مرمانو..

وه هار بی تاقه ت چه مانو تو بو،

ره نگ و رخسارش وه هار مه رمانو..!

چه مم انتظار چه مانت که رو..

یادم هه مدیسان یادو تو که رو..

چه مانم به سو ، عه قلم بو نقاش..

وینه و تو کیشو نقاشی نوکار..

بی قه له م ،کاغذ.. بی نور و بی ده س..!

رخسارت کیشو ...خانی بالا به رز..

[behnam5555]

تا سه ی تو..

له کام وه لات؟

له باوه شی کام شوخ خوتت لیم شاردوته وه؟؟

ئه زانی گردنم پر له خه یالی ماچه کانته؟؟

تو هیچ ئه زانی سه رت له سه ر نه رمی هه نگاوه کانم ناوه و نووستووی؟؟

به سته چاوم..

هه لسه..

ماچم ئه وی!!

[behnam5555]

خشە خشی نەعلەکانت! ...

کوڕ: خۆشەویستەکەم...ئەو ئێوارانەی مالتان بەمیوانی دەهاتن بۆ ماڵمان، منیش بەناخێری گیانم..شەو درەنگ دەگەرامەوە. کە دەمزانی ماڵی ئێوە میوانمانن..خێرا چاوم لە جووتە نەعەلە شینی پێ یە ناسکەکانت دەگێرا...کە دەمبینی و هەستم دەکرد دەکرد تۆ میوانی وەک باڵندە باڵم دەگرت... پێلاوەکانم بە قەد نەعلە کەتەوە دادەنا...بەخێرهاتنتانم دەکرد، بەلام بەرانبەر تۆ شەرمم دەکرد چاو هەڵبڕم ناچار سەیری پێتم دەکرد... کەچۆن سەمات بە پەنجەکانت دەکرد...منیش دەمویست لاساییت کەمەوە...بەلام لە عەشقتدا ئەژنۆم دەڵەرزی!...شەو درەنگ کە دەگەڕانەوە...بە دڵەوە گوێم لە خشە خشی نەعلەکانت دەگرت!.
کچ : ئازیزم...ئەو ئێوارانەی کە دەهاتین بۆ ماڵتان ، من بەر ئاوێنەم بەرنادا...هەستمکردبوو تۆ کوڕێکی شەرمنی وزۆر سەر هەڵنابڕی ناچار نوخانەکانی پەنجەی پێم بۆیە دەکرد تابتوانم بە پەنجەکانم سەرنجت ڕاکێشم!. کە دەگەیشتینە ماڵتان تۆ لەوێ نەبوویت...دوعام دەکرد زوو هەلنەسین و تۆش زوو بگەڕێیتەوە...کە دەهاتیتەوە پێلاوەکانت بەتەنیشت نەعلەکانمت دادەنا...لەخۆشیا دەمگووت ئاخۆ دەبێت ڕۆژێک بێت ئێمەش پێکەوەبین!.
شەو درەنگ کە ماڵتان دەردەچووین بە نەعلەکەم خشە خشم دەکرد تاپێت بلێم ...خۆشمدەوێی!.

ن/جەلال قادر