چه ند شيعريک به بوونه ي سالهاتي هيروشيمائي کوردوستان - صفحه 3

**behnam5555** · #21 03-22-2011

"نه ‏ورۆز"

ده‏ سی له ‏رزۆکی سروه‏ یه ،په ‏نجێره‏ ی نیوه‏تاک ئه ‏کوتێ
ده ‏رکه ‏ی حه ‏ز و خولیاکانی دژ به شه ‏وی سامناک ئه‏ کوتێ

به سه ‏ر چوونی وه‏ رزی ره‏ شی شه‏ خته‏ ی هه ‏ڵه ‏بجه ‏وئه ‏نفاله
کڵۆ کڵۆ توانه‏ وه ،که ‏لاک له سه ‏ر که‏ لاک ئه‏ کوتێ

زرمه ‏ی چه ‏کوچی پۆڵایینی حه ‏قیقه ‏تێکی ون بوویه
ئه ‏مڕۆ مێشکی بۆگه ‏نیوو جه ‏سته‏ ی وردبووی زوحاک ئه ‏کوتێ

دارستانێکی ته ‏ماوی و هه ‏ناسه ‏کانی خۆره ‏تاو
ته ‏نیا ته ‏نیا رێگه‏ ی سه ‏ختی ئاسۆیه ‏كی رووناک ئه‏ کوتێ

دایکم ته ‏رمی گوڵه مێلاقه ‏کانی حه‏ وشه ده ‏نێژێ و
هه‏ ر ئێسته‏ که له دارستان چرۆیه ‏ک سینگی خاک ئه‏ کوتێ

**behnam5555** · #22 03-22-2011

هۆ هه‌ڵه‌بجه
زۆر زه‌حمه‌ته من بتوانم
له یادی تۆ
شتێكی وا بخوولقێنم
كه شایسته‌ی مێژووی
تۆ بێت،
به‌ڵام ئه‌مه خۆی هه‌ستێكه
گیری خواردوه له ده‌‌روونم
من ده‌مهه‌وێ به
پێنووسێك به كاخه‌زێك
ده‌ریبێنم.
****
هۆ هه‌ڵه‌بجه شاری
شه‌هید ،
شاری كاره‌سات.
تۆ كۆرپه‌ی وڵاتێكی
زۆر له مێژه چه‌وساوه‌یه
كاره‌ساتی شاراوه‌یه.
هه‌ر بۆیه تۆی .
ئازیزی خۆی،
له پێش چاوان
شه‌هید كرا،
بێجگه له خه‌م
بێجگه له ته‌م
بێجگه له شین و گرین
هیچی دیكه‌ی
پێ‌نه‌كرا ،
چه‌وسانه‌وه كاره‌ساتیش
بخه لایه
به‌ڵام دونیای مافی مرۆڤ
قه‌ت به‌زه‌یی پێیدا نایه،
****
هۆ هه‌ڵه‌بجه

شاری شه‌هید من نازانم
ئایا راستی؟
یا ئینسانی ؟
مافی مرۆڤ
له كۆی دایه ،
بۆ ؟ له به رچی
ئایا تابڵۆ هه‌یه ئێستا
له‌م جیهانه ؟؟؟
وێنه‌ی تابڵۆی پێنج هه‌زاری
وه‌ك تۆی بایه ؟؟
ئایا بۆ چی تابڵۆكه‌ی تۆ
نه‌كه‌وته نێو
بازاڕی ویژدان
ئایا بۆ چی سامرێژه
دڕنده‌كه‌ی به‌غدا
نه‌كه‌وته به‌ر دادگاو میزان
له لاهاكه‌ی دۆستی مرۆڤان ؟؟؟
****
هۆ هه‌ڵه‌بجه

شاری هه‌زاران نازشێواو
شاری هه‌زاران كۆرپه‌ی
‌هه‌تیوكراو،
شاری هه‌زاران دایكی جه‌رگ‌براو،
شاری هه‌زاران كه‌م ئه‌ندام و زه‌لیل‌كراو ،
شاری شه‌هید،
شاری خامۆش
شاری خه‌مبار و ڕه‌شپۆش .
باش بزانه ئه‌م دونیایه
دونیای ماده نه‌ك ویژدانه .
****

هۆ هه‌ڵه‌بجه‌ی

‌هێروشیما ،
كۆرپه جوانه‌كه‌ی كوردستانم
كاره‌ساتت
هه‌ره‌سێك بوو،
هه‌ڵمه‌كه‌ی چوو،
تێكه‌ڵ به هه‌وره تریقه و
زه‌لزه‌له و چه‌حرو قین بوو..........

**behnam5555** · #23 03-28-2011

دنیا خه‌مه‌، ژیان ژانه‌

بۆ شاره‌که‌ی به‌هاری سوور
هیرۆشیمای کوردستانه‌
حه‌له‌بجه‌ی دایکی شاره‌زوور
کۆرپه‌ به‌ بێشکه‌ و لانکه‌وه‌
منداڵ به‌ سینگی دایکه‌وه‌
بۆ یادی نه‌ورۆزی ئه‌مساڵ
سووتان و بوون به‌ کۆی زووخاڵ
شه‌رته‌ هه‌موو به‌رد و داری
حه‌له‌بجه‌ی تینووی رزگاری
ده‌که‌ینه‌ خه‌نجه‌ری تۆڵه‌ی
به‌رپشتێنی کورده‌واری

شیعر: ڕه‌زا حه‌مه

**مهبا** · #24 03-30-2011

خوه یشک بی به ش

من و هه له بجه یه ی ره نج و ده ردیم

هه ردگ بی چراخ شار وه شار گه ردیم

من و هه له بجه عه یدیمان خه مه

تاسه ی دلمان که می مه رهه مه

من و هه له بجه دو خوه یشک بی به ش

ئه وچی وه تالان من وه چاره ی رش

من و هه له بجه کوت کوت له داسیم

فه رق عه لی و ده س عه باسیم

من و هه له بچه ره نج بی وه ریم

هزاران حوسه ین بی له ش و سه ریم

بلاچه ی هاوار،هه ور دل خونیم

سیه مال هه لدایمه ئه ما بی سونیم

نه مام کوشیای زنه ی پیریمن

ولاتی برای خه مین دیریمن

خیانه ت سه می خه لات دا پیمان

قه واله ی مردن به ش کرده لیمان

دیاری جه سه مان پیقاله و خونه

ده نگ ده ردمان ئاگر وشینه

ئاواز سوزیای چریکه ی ره شه

زه رده هاوار کورد بی به شه

نه سلی له ئیمه چیه وه تالان

له زه و گوم بیه جی کورده مالان

نه منال مه نو نه جوان نه پیر

شه وق خودا مه ن له قول و زه نجیر

پیره ساله یلی له مردن برین

له به س ئیزرائیل وه بی ده نگ چرین

ماد و میژووی قور گرتنه سه ر

له خاک ده رچین و بانگ گرتنه وه ر

یه کتاو سوزیای له رو ده سیان مه ن

که س را ئازادی شوالی نه سه ن

ئی ده رد ئیمه ده رد ئینسانه

تا وه قیامت یه ی کوومه ژانه

ئا ه ئاگر ده نگ وژدانه

سوزیان شه وو خه و په ریشانه

حه را مدان بوو پیقاله و خونم

ره حه ت نه خه فین له ناله و شینم

وه هاوار خه م ئوشم هه له بجه م

هیما گه رمم و له ئاگر سوزیه م

وه خودا قه سه م توام سه وز بکه م

نه مایه یل نوو له باخم بنه م

له هوره و نه وه ین ئی خوه یشک خه مه

هیما ده روونی نه خو ه ش له سه مه

**behnam5555** · #25 03-31-2011

به هار

به ته نيا جيت ناهيلم نه با زريان بت چيني

سبيني زو تيشکي خورقژي خاوت داديني

گوليک ئه داته ده ستت ده ستي ديني به سه رتا

له نه رگز جلي تازه ئه کاته وه به به رتا

ئه بي به هاژه ي کورال هه له بجه ي وه کو کاني

ميژو ره نگاو ره نگه که ي به ئا,ازي گوراني

له و لاوه ده نگي ناسري ره زازي هه لات :

دونيا خه مه

ژيان ژانه

بو شاره که ي به هاري سور

هيرو شيماي کوردوستانه

له و لاوه سه ته لايته کان مزيينيان هي نا که سه دام له سي داره درا

به حوکمي ئه نفال وهه له بجه و خين رشتني خه لک تاوان باره

هه مو که وتنه سه ما

منيش هه ر وه ها

ميژو کوتي: ها خه لکينه ئه وه مژده ي ئازاديه

به لام کورم سه دام له سي داره درا به لام ديکتاتوري هه رپايه داره

وه رن هه مو گشتمان پي که و بو رزگاري ئه م ولاته يه ک ده نگ بين و

زولم و زور بن بربکه ين

**behnam5555** · #26 03-31-2011

نزيک بهار بو له ناو زوري مال
کز دانيشتبو بئ دنگ و بئ قال
دايکي پي وت بی بچو بو ياري
ئه ونه ي ئه زاني بو بي قراري
به لام توي منال به دله کي پاک
هه ستت کرد که وا ئه چي ته ژير خاک
خه م وپه ژ اره توي ته ني بووه
توخوت نه ت زاني ئه چي بو کوی وه
له نا کاو د ه نگ هات ده نگي زرمه بوو
ده نگي بومب و له ر ز و ه گرمه بوو
بي چريه و بي د ه نگ گازيک بلاو بوو
که له ناو به ري هه ز و هه ناو بوو
پاش يه ک دو ساعت نه ده نگ ما نه هه ست
هه موئ خه و ت بون بي ده نگ وبئ هه ست

هه له بجه بو ه به بوکی کي جل سور

خلتاو له خوه ني يا کي ناو سنور

له ياد کردني ئه وهه مو زامه
زورتر يان ئه کا ئه وخه فه تا نه
ده لو يه فرميسک وچند هه ناسه
ته نها کاري مه ن به و کو نه باسه

**behnam5555** · #27 03-31-2011

هه‌ڵه‌بجه‌ئه‌ی گوڵی ده‌شتی به‌هه‌شتی شاره‌زورم
ته‌لی بزوێنه‌ری هه‌ست و شعورم
له‌به‌رچاومه‌گه‌شی ئه‌و به‌ژن وباڵا
که‌خمڵی بوی له‌داوێنی شنروێی ئاڵ و واڵا
هه‌ڵه‌بجه‌ئه‌ی ته‌نوری سوری گڵپه‌ی بیر و بڕوا
گه‌لێ تاوانه‌روداوت له‌بیر چێ و هه‌روه‌هابڕوا

**behnam5555** · #28 03-31-2011

ئه نفال

نه‌چیرۆکه، نه‌داستانه‌، نه‌ئه‌فسانه‌
ڕاسته‌قینه‌ئه‌مداستانه‌
له‌سه‌ده‌ی بیستا ڕووی داوه‌
له‌میلله‌تێکقه‌وماوه‌
ته‌نها تاوانی ناوی کوردی لێنرراوه‌
وشه‌ی ئه‌نفال به‌کاربراوه‌
له‌ئایه‌تی پیرۆزی ئه‌نفال وه‌رگیراوه‌
هاوار ئه‌ی سه‌د هاوار
چ‌تاوانێک به‌ئایین کراوه
له‌کاتێکدا ڕووی داوه‌
دروشمی مافیمرۆڤ
له‌هه‌موو جیهان هه‌ڵگیراوه‌
بۆچی نه‌ت د‌ی مافی مرۆڤ
که‌وا‌مافیمرۆڤ له‌پێش چاوت
زندوو ‌به چاڵکراوه‌
ئه‌ی تاوانبارانی مێژوو
ئه‌یتاوانبارانی مێژوو
وا مه‌ستن به‌مژینی خوێنی ئازیزانمانه‌وه‌‌
سیمایئا‌زیزانمان
تێکده‌ری باده و‌سازتانه‌
فه‌ریوی ڕه‌نگی زه‌ردو سوری زه‌مانه‌مه‌خۆن
زه‌مانه‌دوژمنێکی غه‌داره‌
له‌گه‌ڵتانه‌ئه‌مڕۆ زه‌مانه‌
به‌ڵامسبه‌ینێ بۆ ئه‌وانه‌
ئێمه‌ی له‌ناو په‌رژینی ئه‌سرارا
له‌کوێ هاتووین ، بۆکوێ ده‌چین؟
هه‌ر کرداره‌هه‌ر وتاره‌
که‌یادگاره‌

**behnam5555** · #29 07-31-2011

گه‌ردانه‌ی پچڕاوی قه‌سیده‌یه‌ک بۆ هه‌ڵه‌بجه‌

1

ڕێچکه‌ی مه‌راق

له‌ دڵی مێژووی شاخه‌وه‌ هه‌ڵقوڵابوو

له‌و به‌یانه‌ خۆر کوژه‌دا

به‌رۆکی پڕ گوڵه‌ نه‌ورۆزه‌ و گه‌زیزه‌ت

دووئاوانی شاکۆسته‌که‌و

ڕێچکه‌ی هه‌موو ژوواره‌کانی مێژووت بوو

2

ئه‌گریجه‌کانی شنروێی به‌رنه‌دابوو

ره‌نگی خه‌نه‌ی ئه‌نفال هێشتا

هه‌زار قه‌ڵای هیوا بووی و

سه‌دان چاخ راوه‌ستابووی و

یه‌ک ساته‌ مه‌رگ.

3

"مه‌لێک له‌ باڵه‌کانیدا پشکووت

ئافره‌تێک له‌ مه‌مکه‌کانیا

باخێک له‌ دره‌ختێکیدا" شاملوو

هه‌ڵه‌بجه‌یش

له‌ په‌یکه‌ره‌که‌ی عومه‌ر خاوه‌ر دا

4

به‌هارانێک دوای قرخه‌ و مه‌رگ

هاته‌ به‌رهه‌م

تۆوی 5000+X قوربانیت.

ئه‌م به‌هاره‌ت دا له‌ به‌رۆکی ئازادی

کۆرپه‌ی دوو سه‌ر!!

5

له‌ دوای هه‌ره‌س

دوای داڕمانی هه‌ناوت

مات و که‌ساس راست بوویه‌وه‌ و

له‌ نێو بارانی برووسکه‌ی ماته‌میندا

چه‌ن دڵۆپێکی تیمساحی...

ئاشناتر!

یادیان بردی

هه‌تا به‌یانه‌ نه‌گریسه‌که‌ی 16ی مه‌رگ.

6

به‌ په‌نجه‌ی ئه‌فسوونی شێعری

گوڵی خۆشه‌ویستی خاکی

دا له‌ به‌رۆکی باوه‌ڕمان.

که‌چی...

سنه‌وبه‌ری ئه‌م ئاخه‌ی تۆ

به‌ قه‌د خه‌مه‌کانی غوربه‌ت

له‌ تاقه‌ شێعرێکیشیدا باڵای نه‌کرد.

7

ئاسمانێک خه‌رده‌ل و سیانید

له‌ ناسۆری زامه‌کانتا...

قریشکه‌ی پێ هه‌ڵنه‌هێنای

ئه‌وه‌نده‌ی مشته‌ خوێیه‌کی براکوژی!

8

ده‌مه‌و یادی حه‌وته‌مینت

زاخۆ سه‌د گوڵاڵه‌سووره‌ی بۆ هێنابووی

ده‌ستێکت بۆ پشتت برد و

نه‌رم...نه‌رم...

دابارین: ف

ر

م

ێ

س

که‌کانت!

9

رووباری کات

ژانه‌کانتی گواسته‌وه‌ هه‌تا سه‌ده‌ی نوێ

ساده‌...ساده‌...

له‌ سنووره‌که‌ی Y2K په‌ڕیته‌وه‌.

****

سه‌قز 2000
خالید که‌ریمی

**behnam5555** · #30 10-02-2011

شێعرێک له ڕۆژ هه‌له‌بجه‌یی

بێده‌نگی بۆ من ئاوه‌دانیبوو

من هێزێک جادووی لێ کردووم،
بۆیه پڕم له پرسیاری پێچاوپێچ
ئه‌ما گه‌ره‌کمه به‌قه‌دی وه‌ڵامێکا هه‌ڵکشێم
که‌چی ناگه‌مه ترۆپکی هیچاوهیچ
ئه‌م نادیارییه ده‌گاته کوێ و
به‌پلیکانه‌ی چ تیشکێکا سه‌رکه‌وم،
تا بگه‌مه ناخی ژووره تاریکه‌که‌ی خۆم
له کۆڵانی چ بایه‌کدا پێیه‌کانی ویقارێک هه‌ڵده‌قوڵێ،
هه‌تا بڵێم بوه‌سته هاوڕێ
به چ شه‌وێکی شین بگه‌م،
دڵ چاوه‌ڕوان نه‌بێ له‌تونێلی به‌ردێکا
له چ پرسیارێکی مه‌لوول مه‌لولدا،
حه‌قیقه‌ت ده‌گاته وه‌سوه‌سه‌ی وه‌ڵامێک
خودایه من ماندووم... ماندووبوون،
به‌سه‌ر شه‌پۆلی شعورمه‌وه نیشتۆته‌وه،
من هێزێک جادووی لێکردوم
بۆیه ته‌سلیم بووم به موناجات و تێفکرین
کتێبی ئه‌م هه‌موو گه‌ڕان و چوونه بۆ نه‌گه‌شته،
ره‌فه‌ی ئارشیفێک...
تۆ سه‌یرکه به فه‌رمووده‌ی ئیمامێک
دالی ئه‌م هه‌موو عیشقه دائه‌گیرسێ،
که‌چی من مه‌دلوولی شکسته،
به‌ده‌سته‌کانمه‌وه خوڕه‌ی دێ
قامچی ئه‌م هه‌موو هه‌وره،
ئێسکی چرپاکه‌م رووت ده‌کاته‌وه
که‌چی قیژه‌ی بارانێک له گریان ناگا...
په‌ڕۆی ئه‌م هه‌موو گومانه سه‌رم ده‌پێچێ،
که‌چی به‌پووچی یه‌قینه‌وه،
ده‌چمه‌وه سه‌ر نایلۆنترین نزا
من ئه‌وه‌نده گومانم لێ رژا،
تا هه‌‌موو کراسه‌که‌ی به‌رم خوساو
چڵ، چڵ دوگمه‌ی سنگم بووه هێلانه‌و
ده‌زوویه‌ک باڵ له‌شه‌قژنه‌وه نه‌هاته‌وه،
ده‌نووکی نه‌ڕژا...!
ئێمه هه‌ر وابووین له‌ئه‌زه‌له‌وه هه‌روا بووین
سوهراب ئاسا چاومان نه‌شۆرد
چوون جریوه‌ی نائومێدیه‌کمان به‌ده‌سته‌وه نه‌گرت و
بڕۆینه‌وه ئه‌وبه‌ری چۆله‌که‌یه‌ک و بڵێین:
مه‌رحه‌با فڕین
ژیان جریوه‌یه‌که له‌عیشق
به‌ناو لێوی جاده‌یه‌کدا پیاسه‌‌کمان چنی‌و
ده‌رفه‌ت نه‌‌بوو بڕۆینه‌وه ئه‌به‌ری ماچێکی په‌ژمورده‌و بڵێین:
خه‌می خه‌ونه‌کان مه‌شکێنه،
عیشق هه‌رده‌م کوێرای مه‌رگه
ساده دڵ خه‌یاڵ زه‌رده‌بووین و
نیگامان تێکه‌ڵ به‌خڵته‌ی گێڵێتی،
پردی په‌ڕینه‌وه‌یه‌ک نه‌بوو بۆ،
په‌رداخێک حیکمه‌ت و
بڵێین زه‌مه‌ن چرایه‌ک ناکوژێنێته‌وه،
گه‌ر دڵۆپه تیشکه‌کانی له‌عیشق بێ
من، تۆ، ئێمه هه‌روا بووین
له‌ئه‌زه‌له‌وه هه‌روا بووین
من به‌دڵێکی گه‌رم و سه‌رێکی سه‌ر به‌خه‌یاڵاته‌وه هاتم،
خودایه چۆن ئه‌م ته‌نهاییه ته‌ریوه‌م بهێنمه‌وه
هه‌تا بگه‌مه تۆو عیشق ئاشتبکه‌مه‌وه...
من رۆژانه ئه‌ستێره له‌ناو دڵما ده‌خه‌وێ،
به‌تاریکی دایئه‌پۆشم که بوومه تیشکدان
شه‌وانه شه‌وه‌زه‌نگ له‌سه‌ر به‌رماڵی جه‌سته‌م
نوێژ ده‌کاو به‌رووناکی ده‌یشێلم تاریکستان
که‌چی من هه‌ر ناگه‌مه ته‌ریقه‌تی ته‌جه‌للایه‌ک!!
رۆژانه من ده‌ڕۆم تا موتله‌ق، تا سێبه‌ر، تا دوورییه‌کان
تا چوار گۆشه‌ی چوار شه‌ممه‌یه‌ک،
له‌ئاستانه‌ی مه‌زرایه‌ک
تا شه‌پۆلدانی هه‌ینیه‌ک،
له‌به‌ر قاچی مزگه‌وتێک
تا ده‌ست له‌دیواری قریوه‌ی مێرووله‌یه‌ک،
بۆ له‌تێک ژیان
تا باڵقبوونی باڵی چه‌ترێک،
به‌واژۆی باران
که‌چی من هه‌ر ناگه‌مه حه‌قیقه‌تی مه‌نسورێک...!!
***
من له‌م سه‌ری ته‌نیایه‌وه ده‌گه‌مه ئه‌وسه‌ری ته‌نهایی
ئیتر باسی چیبکه‌م؟!
ئا ئه‌وه‌تا له‌ناو جانتاکه‌مدا شتگه‌لێک هه‌ن پوچ گه‌را
گوڵ له‌ناویا پێئه‌که‌نێ و سوپای نه‌سیم نایه
جۆگه سه‌ما ده‌کاو فه‌رته‌نه‌ی ئاو قوڵپی نایه
تریفه نه‌زیفی ده‌رواو جڵی تاریکی له‌ره‌ی نایه
باران به‌به‌هانه‌یه‌و سڵاوی چه‌مێک نایه
باسی چی بکه‌م ده‌ست بۆ هه‌ر خه‌یاڵێک ده‌به‌م،
(1) مردنی لێ ده‌چۆڕێ ــ وه‌ک مناڵانی گوێ چه‌م به‌گره‌وی گه‌مه‌وه، به‌رد ده‌گرنه بۆقه‌‌کان
که‌چی له‌ولاتره‌وه مردن ده‌پژمێ...
به‌دارلاستیکی گۆرانیه‌وه باڵی ریشۆڵه‌یه‌ک ده‌که‌نه بێژنگ،
که‌چی له‌ولاتره‌وه مردن جگه‌ره ده‌کێشێ...
ده‌ست له به‌رگی کتێبی ئاو ئه‌ده‌م، که‌ هه‌ناسه ئه‌دا
که‌چی له‌ولاتره‌وه په‌ڕه، په‌ڕه وشکاییه مردن
تۆ پێت وتم: له‌گه‌ڵ شتێکا ته‌بایه مردن بکوژێ
من وتم: هه‌رچه‌نده ئارایشتی تفه‌نگ بکه‌م،
له‌فه‌نتازیا هه‌ڵیکێشم
هه‌ر مردن له‌ده‌م و لێویه‌وه ده‌بارێ
هه‌رچه‌نده خۆم نزیک بکه‌مه‌وه،
له‌خه‌می چه‌قۆ
هه‌ر سه‌ربڕین دێته‌گۆ
هه‌رچه‌نده ته‌با بم له‌گه‌ڵ که‌مه‌ری خه‌نجه‌رێک
هه‌ر بۆ مه‌نه‌لۆژی کوشتن ده‌گه‌ڕێ...!
تۆ وتت ئه‌م هه‌موو مردنه چ واتایه‌ک ده‌به‌خشێ
من وتم: مردن شتێکه کۆن،
به‌ڵام هه‌میشه تازه
مردن پێکه په‌رۆشه‌که‌ی خه‌ییامه،
که کۆکردنه‌وه‌ی به‌هه‌ده‌رچوو
بۆیه له قه‌هرا بۆ یاداشت،
رژانی شه‌رابی کرده کفر...!
مردن له سوچی سێوێکی سووره،
له زه‌مبیله‌ی له‌زه‌تا چۆن ئارام ده‌خه‌وێ،
که شه‌ڕی ده‌مودان چووه‌ته ئه‌وپه‌ڕی هه‌ناسه‌بڕکێ
مردن کامڵبوونی هه‌نارێکه،
به‌خه‌تمی دواهه‌مین تشرین،
که هه‌نارستان له‌تاو زوڵمه‌تی ده‌ست و په‌نجه‌ی به‌ربه‌ری،
چووه‌ته ئه‌وپه‌ڕی خه‌جاڵه‌تگیری...!!
من وتم ته‌بابوون له‌گه‌ڵ مردن،
چ مه‌خسه‌ره‌یه‌که
ته‌بابوونیش له‌گه‌ڵ ژیاندا چه‌ند درۆیه‌که گه‌وره
تۆ سه‌ریکه ئه‌زیزم تۆ سه‌یرکه
ژیان چ درۆیه‌کی گه‌وره‌مان پێده‌فرۆشێ
هه‌ڵۆ به‌و هه‌موو چه‌نه‌بازییه‌ی چاوه‌وه،
رۆژێک دێ پایته‌ختی لوتکه نه‌بینێ
په‌پووله به‌و هه‌موو ئایه‌ته ره‌نگینانه‌وه،
که باڵی ئه‌زبه‌ری ده‌کا،
رۆژێک دێ له‌ مه‌حشه‌ری گوڵ نه‌گا
کۆتر به هه‌موو مناره‌کانی فڕینه‌وه،
که ده‌چێته ترۆپکی ئاسمان،
رۆژێک دێ فڕین ئیکمال بێ له بورجی مناره‌دا
که‌ناری به‌و هه‌موو په‌لکه ره‌نگینه‌ی ده‌نگی،
رۆژێک دێ نغرۆ له بێده‌نگی...!
چه‌ند بێشه‌رمه ژیان
ئه‌م نوتفه پووچانه‌ی من ده‌بێت چیبێ؟
که ده‌چێته‌وه سه‌ر ژوانگه‌ی ژنێک،
ته‌زیو به ته‌نهایی،
له‌به‌ر قاقای سمێڵ و خێڵ
باوه‌ڕ به عاتیفه‌ی ئاگر ده‌کا...!
که ده‌چێته‌وه سه‌ر نه‌سلی باڵنده‌یه‌ک،
ته‌زیو به تراویلکه؟
له‌به‌ر قاقڕبوونی ئاسمان،
قه‌فه‌س بۆ خۆی چێده‌کا...!
که ده‌چێته‌وه سه‌ر زه‌ینی دره‌ختێک،
ته‌زیو به‌ته‌م و مژ،
له‌به‌ر ده‌مه‌وه‌ری باخچه
قولانجێک رێگا رۆناکا...!!
چه‌نده بێشه‌رمه ژیان
دواجار هه‌موو چۆله‌که‌کان ده‌مرن و
دڵی پاسارێک حوزن هه‌ڵناگرێ،
هێلانه‌یه‌ک فێری فڕین ناکا...
دواجار هه‌موو ماسیه‌کان ده‌مرن و
شه‌بقه‌ی رووبارێک نووچ نادا،
تیمساحانه چاوی پڕ له گریان ناکا
دواجار هه‌موو گوڵه‌کان ده‌مرن و
ده‌می ئینجانه‌یه‌ک ئۆفێک ناکێشێ،
ده‌ست ناکاته واوه‌یلا
دواجار هه‌موو هه‌رمێیه‌کان ده‌مرن و
باخچه یه‌خه‌ی دانادڕێ،
خۆی ره‌شپۆش ناکا
دواجار منیش و یاده‌وه‌ریه‌کانیش ده‌مرین و
کرمێک له خاکی دڵم ناپرسێ،
ئه‌رێ تۆی عاشق سه‌ر به نه‌ته‌وه‌ی،
چ ریشی جڵه گیایه‌کی؟!
ئه‌فسوس له‌م هه‌موو سه‌فه‌ری ژیانه،
که‌ دوا سه‌فه‌ر پێچی کۆڵانێکه مردن
له‌وێ له کۆڵانی مردن
نه پێیه‌کان پێڵاو ده‌ناسن و
نه ڕێگاکان ئاشنا به پێڵاو
ئه‌فسوس من چیم داوه له‌م سه‌فه‌ری ژیان و مردنه
من ئه‌وه‌م له بیرچوو، هێزی جادوویه‌ک فێریکردم
بێده‌نگی بۆ من ئاوه‌دانییه
به بێده‌نگیش ده‌ڵێم: چه‌ند گه‌مژه‌یه پرسیارکردنی کرمستان و
چه‌ند کورته‌باڵایه ژیان و
چه‌ند مه‌خسه‌ره‌یه مردن و
چه‌ند فڕینێکی ره‌ها، ره‌هایه
هه‌ر حیکایه‌ته‌کانی عیشق و عیشق

ڕۆژ هه‌له‌بجه‌یی

(1) ئاماژه‌یه بۆ دێڕه شێعرێکی شاعیری ئه‌ڵمانی ئه‌ریش فریدریک