شعر كردي ...

[behnam5555]

ئه‌ستێره‌

به‌ درێژایی ئه‌م شه‌وگاره‌ ،
ئه‌ستێره‌کان ده‌سڕنه‌وه‌ !
دانه‌ دانه‌ ، کۆمه‌ڵ کۆمه‌ڵ !
که‌چی هه‌ر واش ،
ئاسمانه‌که‌ی پاکی ئێره‌ ،
هه‌ر جمه‌ی دێ له‌ ئه‌ستێره‌ !
ئازاد

[behnam5555]

وانه
‌
دوژمن ،
نه‌فره‌تی فێر کردم !
ڕۆژگار، خه‌م و
نیشتمانم ،
خۆشی و شادی !
تۆ ،
ئه‌وینت پێ به‌خشیم و
سروشت ،
سه‌ربه‌ستی و ئازادی !
**
به‌ینێکیشه‌، به‌ ته‌نیایی ،
خۆم ڕادێنم ،
له‌ جودایی !
ئازاد

[behnam5555]

ڕاز

هه‌ر دوو ،
گوێیان له‌ من ده‌گرت !
ئه‌ویان له‌و دیو
ئه‌میان له‌م دیو!
كه‌ دایكی بانگی كرد :
كاڵێ !
هه‌ردوو ڕۆین به‌ دڵ پڕی!
ئه‌وپه‌نجه‌ره‌كه‌ی پێوه‌ دا و
كۆتره‌ باریكه‌ش هه‌ڵفڕی !

ئازاد

[behnam5555]

ڕۆژنامه
‌
وه‌كوو ڕۆژنامه‌ی
هه‌ڵواسراوی
جامخانه‌ی سه‌ر ڕێم !

هه‌موو ئێواران ،
چاوێكی خێرام ،
پێدا ده‌خشێنی !

كه‌ ناوچاوانت ،
گرژ ده‌كه‌یت و سه‌رت بائه‌ده‌ی!
تێده‌گه‌م وێڵی
هه‌واڵی تازه‌ی !

به‌ڵام من ته‌نیا
هه‌ر یه‌ك په‌یامم تێدا نووسراوه‌ :
«كه‌سێ ڕووگه‌مه‌
ڕۆژانی شادی !
كه‌شان به‌شانم له‌خه‌بات دا بێ
هه‌تا ئازادی » !

ئازاد

[چرو]

برووم به ياني بوونيم
توره نج ته نيايي تو زه رده
دوونم دواره ئيله ئيله پاييز وريد
ئه لسه با برووم به ياني بوونيم
ئتي ته ون ته نيايي تو
فروش نه يري
ئووشن هه وا پر له وه هاره
ئاسمان رميايه وه سه ر زه مينا
ده وره ي چوماق و چه قوو
چاله كريايه
هه ر كارگه ري له ئه رق تيولي تير دوو
ئووشن خوا به ش كه ن
ئوو شن ...
ئه لسه با برووم
برووم به ياني بوونيم

[چرو]

گیتار
شه‌و
له‌‌ به‌ربانی ئه‌ستێره‌یه‌ک
جه‌سته‌م هه‌ڵ‌ده‌خه‌م
به‌ ته‌نافی
مانگ‌دا.

رۆژ
موسیقای پیاده‌روی
گیتارێک
له‌ به‌ر ده‌که‌م.
له‌ پاڵ‌ کوڵانی
ژیان‌
شیمانه‌ی ته‌مه‌ن
دانیشته‌وه و‌
به‌ده‌م باوێشکی باوه‌،
بۆنی گیتار
شه‌قام
به‌ نوته‌کانی‌‌دا
داده‌دووری.

[behnam5555]

له‌ نێوان بوون و نه‌بوون دا


محه‌ممه‌د ته‌ره‌غه‌


1
من ئه‌و كاتانه‌ی بیرم له‌ تۆ ده‌كرده‌وه‌
ده‌گه‌ڵ بۆنی ترس ئاشنا بووم
ده‌مزانی بۆنی ترس هاوکاته‌ ده‌گه‌ڵ بۆنی كلیل
هاوکاته‌ ده‌گه‌ڵ ‌ بۆنی شێعرێكی بێده‌ره‌تان
هاوکاته‌ ده‌گه‌ڵ بۆنی چركه‌ساتی ده‌می ئاویلكه‌ دان.!
تۆ سه‌ر هه‌ڵبڕه‌،
كه‌سێك بی و له‌ نێو شه‌قه‌ی چزه‌چزی
ئه‌م قسانه‌دا بی كه‌ هێشتا پێیان نه‌گرتووه‌.
شتێك هه‌یه‌ ئازارت بدا،
شتێك هه‌یه‌ نكووڵیت پێ بكا
شتێك هه‌یه‌ جه‌سووریت پێ بدا
كه‌ بۆنی كلیل زۆر له‌ بۆنی سه‌راپای وجوودی تۆ ده‌چێ.
هه‌ر له‌ زرمه‌ی ئه‌م شه‌قڵانه‌ی كاتیان نه‌ده‌ناسی و ده‌هاتن به‌ شوێنیدا
تا ده‌گه‌ینه‌ ئه‌م پێیانه‌ی بۆنی شه‌قڵیان نه‌ده‌ناسی و ده‌ڕۆیشتن
به‌ شوێنیدا.
تۆ له‌ مه‌ودای ئه‌م ڕۆینه‌دا چی ده‌بینی؟
جگه‌ له‌ ڕووشانی هه‌رمێله‌ی چاوه‌كانت
كه‌ بۆنی كلیل ڕووشاندوونی.
تۆ له‌ مه‌ودای ڕۆیشتن‌دا چی ده‌بینی
جگه‌ له‌ چزه‌چزی ئه‌م قسانه‌ی
چاویان بڕیوه‌ته‌ ده‌می تۆ و ڕاوێژ هه‌ڵده‌گرن؟
تۆ له‌ نێوان پرۆسه‌ی خۆم و خۆتدا
كامه‌ ترسی نه‌شكاو ده‌بینی خۆی له‌ نێو
ڕه‌هه‌ندی چاوه‌كانتدا مه‌ڵاس نه‌دابێ و به‌ قه‌د
شه‌قڵی ئاوێنه‌یه‌ك باڵای نه‌كردبێ؟
تۆ سه‌رنج بده‌ من له‌ هه‌مبه‌ر چاو نه‌زێرێكدا
چۆن ده‌توانم بۆنی كلیل هه‌ڵنه‌مژم؟
بۆنی كلیل له‌ بۆنی ئه‌م كاتانه‌ ده‌چێ كه‌ تۆ
هه‌ڵده‌ستی و ورده‌ تاپۆ به‌رچاوت ده‌گرن.
بۆنی كلیل له‌ بۆنی هه‌ناسه‌ی ئه‌م ورده‌ تاپۆیانه‌
ده‌چێ كه‌ له‌به‌ر چاوت زریوه‌ زریویانه‌.
هێشتا بۆنی ئه‌م كاتانه‌م بیر نه‌چۆته‌وه‌
ماڵمان له‌سه‌ر هێڵی "كونه‌ با" بوو.
هه‌ناسه‌ نا، گه‌ر چاویشمان هه‌ڵێنابا،
به‌یانی له‌وبه‌ری هێڵه‌وه‌ بۆنه‌كه‌یان هه‌ڵده‌مژی.
ئه‌مه‌یان دایكم له‌ هه‌قایه‌تێكی كۆندا بۆی جێهێشتبووم؟
تۆ سه‌رنج بده‌ بۆنی كلیل له‌سه‌ر هێڵی "با" بێ
و هه‌موومان هه‌ڵیمژین.
تۆ بڵێی ئه‌وكات باران چۆن خۆی
له‌ هه‌ورێكی قسری گه‌ڕۆڵدا بڕه‌وێنێ؟

2

تۆ سه‌رنج بده‌
ئێمه‌ هه‌موومان روئیا ده‌بینین
ته‌نانه‌ت له‌ کاتی روئیا دیتنیش دا
له‌ رۆژانی سه‌ره‌خۆشی ده‌ترسین
ترس قاتڵێکی موقه‌ده‌سه‌
له‌ به‌ره‌ روئیا دیتنه‌کان دا به‌ره‌وپیرمان دێت
زۆر به‌ سانایی زمانی گومان ده‌گۆڕێ
هێندێک دانیشتن و جگه‌ره‌یه‌ک داگیرسان و
پاشان به‌ وه‌همێکی بگۆڕ
باسی پیاسه‌که‌ی ئه‌م رۆژه‌ ده‌گێڕێته‌وه‌
باسی پیاسه‌ ده‌گه‌ڵ یه‌که‌م دیکتاتۆڕ دا
ئه‌م رۆژه‌ شه‌قامه‌کان هه‌موو مه‌شکووک بوون
ته‌نانه‌ت ئه‌و کاته‌ی به‌ مه‌ستیش پیاسه‌م ده‌کرد ،
ئه‌وه‌م له‌ چاوی سواڵکه‌ره‌کان دا خوێنده‌وه‌
یه‌که‌م دیکتاتۆڕ که‌ هات،به‌یانی ترسی به‌ سه‌ر دا خوێندم
ترس هه‌ڵوێسته‌یه‌کی موقه‌ده‌سه‌
له‌ نێوان ترس و ترسی ترس دا، ترسێکی تریش هه‌یه‌ ،
به‌ره‌و قه‌داسه‌تت به‌رێ

تۆ سه‌رنج بده‌...

[behnam5555]

دریژترین رۆژی ساڵ


یۆرگۆ سیفریس

و.له‌فارسییه‌وه‌:محه‌ممه‌د ته‌ره‌غه‌

(1)


رۆژ له‌ جێگه‌ى به‌رزینی خۆیراو
له‌ولاشه‌وه‌ مانگى نۆى
بێ‌ئه‌وه‌ى بیره‌وه‌رێكى له‌ سینگی خۆی دا حه‌شار دابێ
مه‌ودایان ده‌ربه‌نده‌ شه‌وێكی پرئه‌ستێره‌
پرله‌شه‌پۆلى تۆفانی ژیان
له‌سه‌رخه‌رمانه‌وه‌ ئه‌سپانى شه‌ڵا ڵى ئاره‌ق
به‌سه‌ر له‌شه‌ رماوه‌كان چوار نالأ ده‌ئاژوێن
هه‌مووشتێ ك هه‌ر له‌وه‌وه‌ ده‌ستی پێ كرد
ئه‌و ژنه‌ش كه‌له‌ به‌ر چاوت ئاوا روو له‌ گه‌شه‌ بوو
له‌ پر ده‌ژاكێ و
ئه‌ژنۆی ده‌نوشتێنه‌وه‌
به‌رداشه‌كان هه‌موو شتێك ده‌هارن
به‌مجۆره‌ هه‌مووشتێك ده‌بێته‌ هه‌سێره‌
له‌ شه‌وی درێژترین رۆژی سالأدا


(2)


هه‌مووله‌ زینده‌ خه‌ودان
كه‌چى كه‌س وه‌سه‌ر خۆى ناهێنێ
ئه‌وان واده‌زانن كه‌ ته‌نیان
ئه‌م گوڵه‌ سوره‌ مه‌زنه‌
هه‌میشه‌ له‌ وێ بوو
به‌رده‌وام له‌ لاى تۆ،له‌شیرن خه‌ویدا .
له‌لاى تۆ و نه‌ناسیاو
ئێسته‌ كه‌ لێوه‌كانت به‌ به‌رى ناوه‌وه‌ى په‌ره‌كانی فێره‌
قورسایی به‌شكۆى ئه‌م كیژه‌ی كه‌ به‌ده‌م سه‌ماوه‌
كه‌وته‌ ناو رووباری زه‌مانه‌وه‌ و
تۆیش گوێت له‌ شڵپ و هۆری خۆفناكانه‌ی بوو,
هه‌ر وا بێ هوده ‌هه‌ناسه‌كانت به‌ فیرۆ مه‌ده‌.


(3)


له‌ وه‌ها خه‌ونێك دا
ئه‌م زینده‌خه‌وانه‌ى سانا ره‌نگ ده‌دۆرێنن
هه‌ر تراویلكه‌ خه‌ونیان لێ ده‌مێ نێ
وه‌ك ئه‌و ماسییه‌ى ساتێك له‌ ژێر شه‌پۆلانه‌وه‌ ده‌دره‌وشێ و
له‌ ناو قوراو دا بزر ده‌بێ
یا وه‌ك خۆرپایه‌ك كه‌ به‌رده‌وام ره‌نگ ده‌كۆرێ .
شارێك كه‌ بۆته‌ مه‌كۆی خراپه‌كاران
ده‌ڵاڵان و ژن جوان كه‌ران
ئه‌شقی پرتووكاو ده‌فرۆشن
ئه‌و كیژه‌ى كه‌ له‌ زه‌ریاوه‌ سه‌رى هه‌ڵدا
پیستی گایه‌ك ده‌كاته‌ به‌ر
تابه‌ڵكوو لاوى به‌ شان و باهۆ به‌ به‌ری هه‌ڵكێشێ
شاعیر
له‌ناو ئه‌و پیسایه‌ی مناڵانی كۆڵان گه‌ر تێی هه‌لأده‌كه‌ن
په‌یكه‌ره‌ گه‌لێك ده‌بینێ خوێنیان لێ ده‌چۆرێ .
ده‌بێ له‌م خه‌وه‌ راپه‌رى,
له‌م پێسته‌ شه‌لاق خواردوه‌ بێیه‌ ده‌ر


(4)


ته‌پ وتۆز
به‌ده‌م بای سه‌ر شێ ته‌وه‌
هه‌ر چوار لا ده‌ته‌نێ
دوكه‌ڵێ كی تووله‌كه‌و مه‌رگاویانه‌
ده‌ست و پێ ی ئینسان له‌ تین وهێ ز ده‌خا
جه‌سته‌كان ده‌كه‌ونه‌ ده‌می بێ وازیه‌وه‌
ئه‌وان تینون به‌لآم له‌هیچ لاوه‌ ئاو نادۆزنه‌وه‌,
وه‌ك باڵنده‌ی سه‌ر لقی دار لێ رو له‌وێ هه‌ڵكورماون
بێ هوده‌ په‌رو بالأده‌كوتن
تازه‌ ئیتر بالأكرنه‌وه‌یان محاڵه‌.
ئه‌م ولآته‌
وه‌كوو گۆزه‌ڵه‌ گڵ
ورده‌ورده‌ ویشك ده‌بێته‌وه‌.
(5)
جیهان به‌ مه‌لافه‌ گه‌لێكی خه‌واڵوو داپۆشراوه‌
جگه‌ له‌مه‌ چی پێیه‌ وه‌ده‌ری خا
له‌ شه‌وانی گه‌رم دا
ئه‌و كاتانه‌ی شه‌قه‌ چرچۆكه‌كه‌ی (هكاته‌)
له‌سه‌ر بان را
سینگ و به‌رۆ ئاوالآ له‌ هه‌مبه‌ر مانگی نوێی ده‌ستكرد شیوه‌ن ده‌گێرێ
دوو كوڵفه‌تی زۆر مناڵ به‌ده‌م باوێشك دانه‌وه‌
ئه‌كسیری بۆن خۆشی له‌ قازانه‌ مس دا ده‌كوڵێنن
به‌یانی هۆگرانی، هه‌ڵی ده‌مژن
ئه‌شقی ئه‌و هه‌ر له‌ ئێستاوه‌
وه‌كوو سیمای رازاوه‌ی ده‌ورگێركی تراژیدیا
هه‌ره‌س دێنێ .


(6)


له‌م خواره‌وه‌،له‌ ژیر پێمانه‌وه‌
ده‌ریایه‌كی ئاوێنه‌ ئاسا
له‌ ناو خه‌زێنه‌كان دایه‌-
له‌نیوان زه‌قوومه‌* سپیه‌كان
له‌ نێو به‌رده‌ سه‌خته‌كان دا
بێنه‌وه ‌بیرت ئه‌م كراسه‌ى
به‌له‌شته‌وه‌ ده‌خزى و به‌ند نه‌ده‌بوو
كراسێ بێ ئه‌وه‌ى گیانی له‌به‌را بێ
ده‌كه‌وته‌ سه‌ر پێیه‌كانی تۆ
خۆزكه‌ ئه‌م خه‌وه‌ش ئاوا
ده‌رژایه‌ ناو خه‌زێنه‌ى مردۆكانمانه‌وه‌


(7)


له‌ باخچۆڵه‌ دا
چنارێك
به‌ هه‌ناسه‌كانی
شه‌و و رۆژ
له‌ بژاردنی ساعاتی ته‌مه‌نت دایه‌
ئه‌م ساعاته‌ى شینایی ئاسمانی تێگه‌راوه‌ و
به‌ حوكمی مانگ ده‌گه‌رێ
گه‌ڵاكان به‌ سه‌ر دیواره‌ سپێه‌كان دا
به‌ جێ پێیانی تاریكی دا ده‌روِێ ن
چه‌ند دار كاجیش له‌مپه‌رتا وهه‌روا به‌ پێوه‌ن
ئه‌و لاتر گڵۆپ و چراخانی شار و
ئینسانه‌كانیش هه‌ر ئه‌م جۆره‌ى خوڵقاون.
به‌ڵام مه‌لێكی ره‌ش
بۆ ئاو خواردنه‌وه‌ كه دێ
ده‌خوێنێ
هه‌ر وه‌ك ئه‌و قومریه‌ی جارجار ده‌خوێنێ .
له‌م باخچۆڵه‌ دا
كه‌ ئه‌وه‌نده‌ى چاوه‌یه‌كه‌
ده‌كرىَ خۆر ببینی
كاتێ له‌ سه‌ر دوو مێخه‌كی سوور هه‌ڵده‌نیشێ
له‌ سه‌ر دانه‌كانی زه‌یتوون و چه‌پكه‌گوڵی یاس.
خۆت هه‌ر ئه‌م جۆره‌ى كه‌ هه‌ى، ببینه‌
نه‌ ئه‌وه‌ى كه‌ شێعر له‌ قوڵایی چناره‌كان دا بنێژى و
به‌ مڵكی خۆت به‌رهه‌می نه‌هێنی
گه‌ر ویستیشت هه‌راو تر پێی بگه‌ى
هه‌ر ئه‌و شوێنه‌ بده‌وه ‌كه‌ لێی راوه‌ستاوی

(8)


ئاوێنه‌یه‌كی سه‌خته‌ لاپه‌رى كاغه‌زى سپی
ته‌نیا ئه‌و شته‌ى كه‌ تۆیه‌ك به‌ تۆ نیشان ده‌دا .
ده‌گه‌ڵ تۆ ده‌دوێ كاغه‌زى سپی
ده‌گه‌ڵ ده‌نگی تۆ
نه‌ ئه‌و ده‌نگه‌ىكه ‌پێت خۆشه‌.
موسیقای تۆیه‌،ژیانی تۆ
هه‌ر ئه‌مجۆره‌ى بێ سه‌مه‌ر راتبوارد
به‌ڵام بێتو بتهه‌وێ
هه‌میسان ده‌توانی بیگێریه‌وه‌
گه‌ر دڵ به‌م لاپه‌ره‌ سپییه‌ بسپێری،
ده‌تگێرته‌وه‌ ئه‌م شوێنه‌ى ده‌سپێكت بوو.
سه‌فه‌رى زۆرت كردن
مانگ و رۆژى بێ ئه‌ژمارت دى
له‌ مردوان و زیندوان ئاگادار بووى
ره‌نجی پیاوانی جه‌وانت له‌ قوڵایی دڵه‌وه‌ هه‌ست پێ كرد
كوێ ره‌وه‌رى ژنان و
تاڵی رۆژگارى كورانی كرچ وكاڵیش هه‌روه‌تر.
ئه‌گه‌ر به‌م بۆشاییه‌ بروا نه‌هێ نی
هه‌موو هه‌ست و ئاواتت به‌ فیرۆ ده‌روا ،
مه‌گه‌ر له‌و شته‌ى دا بیدۆزیه‌وه‌ كه‌ پێت وایه‌
ونت كردووه‌،
خه‌ت دانی لاوی-ت ،
پشكۆتنی ناچارانه‌ى ته‌مه‌نت.
ژیانت ئه‌وشته‌یه‌كه‌ دۆراندوته‌
بۆشایی ئه‌م شته‌یه‌كه‌ دۆراندوته‌
ئه‌م لاپه‌ره‌ سپییه‌.

(9)


له‌و شتانه‌ى كه‌ نه‌یاندیبوو ده‌دواى
ئه‌وانیش پێت پێده‌كه‌نین
به‌ڵام تۆ له‌ناو رووباره‌ تاریكه‌كان دا
هه‌ر سه‌وڵت لێده‌دا
له‌ شووێنی دژ به‌ وان را
له‌ شوێنێكی نه‌ناسیاو
شیلگیرانه‌ ده‌رۆیشتیه‌ پێش
كوێركوێرانه‌
كه‌وتیه‌ شوێن قسه‌گه‌لێكی تێكوڵ داره‌وه‌
ئه‌و قسانه‌ى وه‌ك لك‌و پۆى دار زه‌یتون چر و پرن.
لێگه‌رىَ باپێبكه‌نن
تۆ ده‌تویست ئه‌و جیهانه‌‌ي تر
بكه‌یه‌ جێنشینی ته‌نیایی چه‌و‌سێنه‌رانه‌ى ئه‌مرۆ
جێنشینی ئه‌م زه‌مانه‌ رماوه‌.
لێگه‌رىَ باپێبكه‌نن،به‌دڵی مه‌گره‌
فێنكایی ده‌ریا و فێنكایی به‌ربه‌یان
بێ ئه‌وه‌ى بمانهه‌وێن هه‌ر هه‌ن


(10)


ئه‌وكاته‌ى زینده‌خه‌وه‌كان
ده‌مه‌و تاوهه‌ڵاتن
هه‌ستی كرده‌وه‌یان گه‌شه‌ى ده‌كرد
لێو گه‌لێكم دیت
گه‌ڵا گه‌ڵا ده‌پشكوان
له‌وه‌ ترسام
ئه‌و داسه‌ لووس و باریكه‌ى به‌ ئاسمان دا راده‌بوورێ
بنیشێته‌ ملیان


(11)


ئه‌وده‌ریایه‌ى كه‌ به‌ مه‌ندى ده‌یناسن
به‌لۆتكه‌و گه‌مییه‌سپییه‌كانیه‌وه‌
ده‌گه‌ڵ پشوو پشوو شنه‌ى فینكایی
به‌سه‌ر داره‌ ناژه‌كان و
كێوى«ئه‌گینا»وه‌،ده‌شنێته‌وه ‌،
به‌سه‌ر له‌شتا ده‌خزا
ئاسوده‌و گه‌رم
وه‌كوو ئه‌ندێشه‌یه‌ك كه‌ هێشتا هه‌ر ده‌ڵه‌مه‌یه‌
به‌ڵا م له‌ ئاوه‌ ته‌نكه‌كان دا
ئه‌ختاپووسێ نێزه‌لێ دراو
جه‌وهه‌رى ژین ده‌ده‌ڵێنێ
له‌ ناو ئاوه‌ قوڵه‌كانیش دا
ئه‌ى خۆزگه‌ وه‌بیر خۆت ده‌هێنایه‌وه‌
كه‌ دوورگه‌ جوانه‌كان كه‌ى كۆتایی دێن
به‌بارته‌قاى هه‌موو رووناكی و تاریكی سه‌یرى تۆ ده‌كه‌م


(12)


له‌ده‌ماره‌ هه‌ڵماساوه‌كانی ئاسمان دا
هاوكات ده‌گه‌ڵ ‌گه‌رماى چه‌وسێنه‌ر
خوێنی جماو ده‌ئاژوىَ
چش له‌ مه‌رگ كه‌ به‌خته‌وه‌رى لێره‌ بێ
هه‌تاو
ترپه‌ی نه‌رمی نه‌بز ه‌
تا دێ هێدى‌تر لێده‌دا.
ده‌ڵێی هه‌ر ئێستا بوو راوه‌ستا

(13)


ساتێ دواتر خۆر ده‌وه‌ستێ
په‌ریان له‌ ده‌سپێكی رۆژ رسكان دا
گیانیان وه‌به‌ر پێستی ویشكی زه‌ریا ناوه‌
كه‌ڵه‌شێرێك سێ جار خوێندى،ته‌نیا سێ جار،
له‌سه‌ر به‌ردێكی سپی
مارمێكه‌یه‌ك مڵه‌ماى له‌خۆى بریوه‌و
سه‌یرى گیا سوتاوه‌كان ده‌كا،
ئه‌وشوێنه‌ى كه‌مار ماته‌ى لێهه‌ڵگرتووه‌
بایه‌كی ره‌ش ئاسمانی پیرۆزه‌یی داده‌درێ
سه‌یر كه‌ئاسمان خه‌ریكه‌ لێك بڵاو ده‌بێ
ژانی قورسی له‌دایك بوونه‌وه‌


(14)


ئیستا هه‌موو شتێك له‌حه‌سره‌تی سوتانی ئه‌و قورقوشمه‌دایه‌ كه‌به‌تینی ده‌ریاى
هاوین
بۆفاڵ گرتنه‌وه‌ ،سووریان كردۆته‌وه‌.
هه‌موو رووت و قوتی ده‌ستی ژیانن
رۆیشتن،مانه‌وه‌،رۆنیشتن ،هه‌ڵكشان،
لێوه‌كان و له‌شی ئۆخژن پێ هاتوو.
هه‌ر ئه‌مجۆره‌ى كه‌ له‌نۆژى نیوه‌ رَۆ دا
داره‌ ناژ-كه‌چۆته ‌ناوجیوه‌ى خۆیه‌وه‌-
بۆگه‌شانه‌وه‌ حه‌جمینی نییه‌ و
ئیتر تاقه‌تی ژانی نه‌ماوه‌
بانگه‌شه‌ى مناڵان
تا خۆڵه‌مێشه‌كان كۆكه‌نه‌وه‌ و
بیچه‌قێنه‌وه‌.
ئه‌وه‌ى كه‌رۆیوه‌،تازه‌ هیچ
به‌ڵام ئه‌وه‌ى ماوه‌ ده‌بێ بسوتێندرىَ
دروست له‌جه‌نگه‌ى نۆژى نیوه‌رۆدا كه‌ خۆر
به‌ دڵی گوڵی سه‌د گه‌ڵاوه‌ لكاوه‌.



سه‌رچاوه‌:

گۆڤارى كلك ژوماره‌: 3،شه‌هریوه‌ری

[behnam5555]

"وشه‌یه‌ک فه‌رامۆش مه‌که‌ ژۆڤان"



وشه‌یه‌ک فه‌رامۆش مه‌که ژۆڤان
وشه‌یه‌ک له‌ قووڵایی خه‌ونی قالۆنچه‌کانی سه‌رده‌می برسییه‌تی،
که‌ سفره‌ی پڕ له‌ سڵاوی عیشقت فڕێ درایه ده‌ریای هێڵنجه‌وه‌
وشه‌یه‌ک، که‌ ساڵانیک له‌مه‌و به‌ر شاعێرێکی شاراوه‌ی به‌ ده‌سته‌وه‌دا و
زلله‌یه‌کی له‌ خۆشترین کاتی ژیانی دا.
وشه‌یه‌ک فه‌رامۆش مه‌که‌ ژۆڤان،
وشه‌یه‌ک، که‌ پرسیارێک بێ له‌ باوکت
ئه‌و کاته‌ی شه‌که‌ت ترین رۆژی بۆ باڵای دایکت بردۆته‌ سه‌ر،
که‌ مرۆڤ ده‌توانێ کێی تا سه‌ر ئێسقان خۆش بوێ،
ئه‌و کاته‌ی هێڵنج بدا به‌ ڕووی ژیان.
پرسیارێک بێ له‌ دایکت
ئه‌و کاته‌ی بۆ تیینوویه‌تی گشت شه‌وه‌کانی ته‌مه‌ن
مه‌مکه‌کانی وشک هه‌ڵاتوووه،‌
که‌ ژیان له‌ کام کون و که‌لێنه‌وه‌‌‌ بزه‌ی بێتێ
ئه‌و کاته‌ی مه‌رگ خۆشترین خه‌ونی ته‌مه‌نه‌.
ئێره‌ سه‌راسه‌ر پرسیاره‌ ژۆڤان؟؟!!
به‌ کوێدا ده‌چیته‌وه‌ سه‌ره‌تا ژۆڤان؟
تۆ که‌ ئادره‌سی وێرانترین رێکه‌وتی خۆشترین بیره‌وه‌ریت نازانی و
چاوت له‌ پیسترین داهاتووی نێو گیرفانی مه‌مله‌که‌تێکی نه‌خۆشه‌
مه‌مله‌که‌تێک لێره‌وه‌ تا
دوورترین قووله‌قوولی شه‌ڕێکی بێ چه‌ک و چیا
ئه‌و شه‌ڕه‌ی شوێن شه‌هیدێک که‌وتووه‌ و کفنێکی کاغه‌زی دزییوه‌ و
له‌ سه‌ر شانی سه‌ربازه‌کانی خه‌و بردوویه‌ته‌وه‌‌.
ئه‌رێ ژۆڤان،
وشه‌یه‌ک فه‌رامۆش مه‌که‌ و
خوێن بنووسه‌، سێڵاو بمانباته‌وه‌ سه‌ره‌تای رزیوترین ماچی برایه‌تی
که‌ باوه‌شێک ئاواڵه‌ به‌ رووی خودا خه‌رمانه‌ی داوه‌ و
له‌ پشت پرسیاره‌کانی مردن،
ژیان کرمه‌ کرمی دێ له‌ خنکان و خه‌فه‌ت و خراپه‌ی من و تۆ و ئه‌وان و ئه‌وانی تر.
ژۆڤان به‌رده‌وام ده‌ڕوانێته‌ وڵاتی خۆی....،
ئاخر گه‌لێک پرسیاری هه‌یه‌ و دڵی وه‌خته‌ له‌ لێدان بکه‌وێ
من خه‌مه‌کانی ده‌ناسم و له‌ بڵیندایی ڕقی ئه‌ستووری ده‌ترسم،
نه‌ ئه‌و ترسه‌ی تنۆک تنۆک بمخاته‌ تاریکترین کونجی کۆڵانه‌کانی سه‌رده‌می چڵکنی و چه‌وری،
ترسێک له‌ خۆم و نه‌گه‌یشتن به‌ خۆم.
ژۆڤان ئه‌وانه‌ ده‌زانێ و
به‌رده‌وام.........
.....
...؟!

ئه‌رسه‌لان چه‌ڵه‌بی

[behnam5555]

جه‌ژنی نه‌ورۆز



به‌ سووڕێکی تر ئه‌ستێره‌ی ئینسان گر
قه‌ومی کۆنی خسته‌وه‌ جه‌ژنی ئاگر،

کام قه‌ومی کۆن،کام جه‌ژنی به‌رز و پیرۆز؟
قه‌ومی مادی! جه‌ژنی بڵندی نه‌ورۆز!

ئه‌و نه‌ورۆزه‌ی که‌ هه‌زاران به‌هاره‌،
له‌ دێی کوردا گڕی ئاگری دیاره‌،

"گۆران"