|
 |
 |
 |
 |
 |
 |
 |
|
|||||||
| زبان ادب و فرهنگ کردی مسائل مربوط به زبان و ادبیات و فرهنگ کردی از قبیل شعر داستان نوشته نقد بیوگرافی و .... kurdish culture |
 |
|
|
ابزارهای موضوع | نحوه نمایش |
|
#1
07-01-2012
|
||||
|
||||
چه‌ندکورته‌شێعری ک.د.ئازاد
چه‌ندکورته‌شێعری ک.د.ئازاد خاج که هێشتاکه له گه‌ڵما بووی؛ من نه‌مریم ئه‌هۆنیه‌وه بۆ گه‌ردنی وه‌فاداریت ! که بایی بووی ؛ قه‌ڵه‌مێكی ڕاست و چه‌پم پێدا هێنای له خاجم دای ! ــــــــــــــــــــــــــــــ ـــــــــــــ خه‌‌ون له خه‌وم دا ، جاوم برِیبۆ چاوی خوا كه رِاپه‌‌ڕیم ، تۆ له ته‌‌نیشتم دانیشتبووی ئه‌‌ی خواوه‌‌ندی پاكی و جوانی له چاوی منت ده‌‌رِوانی ! ــــــــــــــــــــــــــــــ ـــــــــــــ ڕێز كه دێم بۆ لات له جێگه ژوان ، كڵاشه‌كانم داده‌نێم ! له‌سه‌ر زه‌مین كوێ پیرۆزتر له‌و خاكه‌یه ، دوو دڵداری له‌سه‌ر ده‌ژین ؟ ــــــــــــــــــــــــــــــ ـــــــــــــ کاڵێ کاڵێ ، به‌ینێکه هیچ ناڵێ ! جاران سه‌راپا زوبان بوو جاران سه‌راپا گوێ بوو ! که زوبان بوو هه‌ر هاوار بوو که گوێ بوو، پڕ له ترپه‌ی دڵی شار بوو ! زوبانیان بڕی گوێیان که‌ڕ کرد وه‌ک سه‌نگی مت له‌گۆشه‌یه‌ک هه‌ڵیان په‌سارد! وه‌ک سه‌نگی مت مته‌ق ناکا! کاڵێ، په‌ری شێعری منه کاڵێ ، ڕووحی شێعری منه کاڵێ کاڵێ کاڵێ کاڵێ به‌ینێکه هیج ناڵێ ! ــــــــــــــــــــــــــــــ ـــــــــــــ بێده‌سه‌ڵاتی ڕۆژی وایه هه‌ر به ئه‌نقه‌ست چاویلکه‌که‌م له ماڵه‌وه به‌جێ دێڵم ! تا هه‌ر نه‌بێ ئهو ڕۆژه‌یان شاد و ئازاد لێڵ ببینم ڕووخساری په‌یکه‌ری جه‌للاد ! ــــــــــــــــــــــــــــــ ـــــــــــــ دژایه‌تی خوێنمان به جۆیه‌ک دا ناڕوا دوورین له یه‌ک وه‌کوو ؛ به‌فر و گوڵه هێرۆ عه‌رز و عاسمان غه‌م و شادی ! ئه‌وان ، خه‌ویان له من ده‌وێ من ڕاپه‌ڕین ! ئه‌وان ، تامه‌زرۆی بێده‌نگین من ئازادی ! ــ په‌یکه‌ر « سیامه‌ند»ێکم زۆر دڵگیر له ناو ڕکه‌ی خه‌ما یه‌خسیر! به‌ته‌شوێی بیر له مه‌ڕمه‌ڕی شێعره‌کانم داده‌تاشم په‌یکه‌ری تۆ! به‌ڵام هه‌ی هۆ ! ناسکه « خه‌جێ » ئه‌تۆ له کوێ و شێعر له کوێ ؟! ــــــــــــــــــــــــــــــ ـــــــــــــ سوژده له عاستی هیچ ده‌سه‌ڵاتێ ، هه‌رگیز سه‌رم دانه‌نه‌وی ! ـ بۆ هیچ كه‌سێ ـ سوژدهم نه‌برد ، وه‌ك ترسه‌نۆك ! له جێی زوبانی بڕاوی سه‌دان زوبانی لێ ڕوا ! له جێی گوێچکه‌ی که‌ڕ کراوی سه‌دان گوێچکه‌ی پێوه لکا ! به‌ڵام سه‌یره ! زوبانی ئێستای بێده‌نگن گوێچکه‌ی ئێستای‌کپ و وڕن! تۆپی له ژێر پێ ده‌رده‌که‌ن ڕۆژی سه‌د جار مردنی خۆی نیشان ده‌ده‌ن هه‌رخه‌یاڵ بوو ؛ بۆ زێڕ ، بۆ زۆر ، بێمه سه‌رچۆك ! به‌ڵام كاتێ گه‌ڕامه‌وه ، بۆ زێده‌كه‌م ؛ ئازاد ، بێ باك ؛ سوژدهم برد و ناوچاوانم ، خسته سه‌ر خاك ! ــــــــــــــــــــــــــــــ ـــــــــــــ دڵنیا یی بیر له هه‌رچی ده‌که‌مه‌وه ، ده‌که‌ومه ناو شک و گوما ن . زۆر ده‌ترسم له داهاتوو زۆر دوو دڵم ، له ئاکاری دونیای ئه‌مڕۆ ! به‌ڵام له دوو شت دڵنیام ، وه‌فای خۆم و ئه‌وینی تۆ! كه جێم دێڵی كه دێیه لام ، ده‌‌بمه سوڵتانی سه‌رزه‌‌وی چی دوندی به‌‌رزی دونیایه له به‌ر چاوم نه‌‌وین نه‌‌وی! كه جێم دێڵی، ژاكاو، ناشاد ده‌‌بمه‌‌وه شاعیری خه‌‌مان : ك.د.ئازاد ! ــــــــــــــــــــــــــــــ ـــــــــــــ تۆران لە كێو فێر بووی ؛ یاخی بوون و سەربەخۆیی و سەرنانەوە ! لە شەو فێر بووی ؛ خۆشاردنەوە و دووبارە سەر هەڵدانەوە ! لە خەم فێر بووی ؛ لە ناو ناخی ، عاشقان دا حەسانەوە ! منیش ، ڕووبار فێری كردووم ؛ هەرگیز ئاوڕ نەدانەوە ! ڕۆیشتن و ڕێبواری ڕێی پڕ خەتەر و بێ تان و بێ گەڕانەوە ! ــــــــــــــــــــــــــــــ ـــــــــــــ هه‌رمان له سه‌ر گه‌ڵا ناوتم نووسی، پایز به تاڵانی بردی ! له سه‌ر به‌فر ناوتم نووسی هه‌تاو غه‌رقی ئاوی کردی ! له سه‌ر ورده خیزی به‌ستێن ناوتم نووسی ده‌ریا هه ڵچوو ئاسه‌واری لێ نه‌هێشتی ! له ده‌فته‌ری شێعره‌کانما ناوتم نووسی وه‌کو شێعر بوویه نه‌مر ئیتر هه‌رگیز ، نه‌یان توانی بت سڕنه‌وه ، ئاو و ئاگر ! ــــــــــــــــــــــــــــــ ـــــــــــــ تاران تاران پێته‌‌ختی سته‌‌م بوو لام دزێو بوو جێگای جه‌‌رده‌و دز و خێو بوو؛ ٭٭ به‌ڵام‌‌له‌و ڕۆژه‌وه كه تۆ پێت خسته ناو زانكۆ‌ی تاران تاران ئیتر، بوو به بووکی هه‌موو شاران! ــــــــــــــــــــــــــــــ ـــــــــــــ به‌قا ئه‌مشه‌و پڕم له یادی تۆ! وه‌کوو ده‌ریا ، له شه‌پۆل و وه‌ک ئاسمان له ئه‌ستێره ! ڕه‌نگه ده‌ریا بێ شه‌پۆل بێ و ئه‌ستێره‌کان ڕۆژێک ، ئاسمان به جێ بێڵن ! به‌ڵام ، هه‌رگێز باوه‌ڕ مه‌که شۆخی په‌ریم ؛ له مه‌به‌ولا ، بێ تۆ بژیم ! ــــــــــــــــــــــــــــــ ـــــــــــــ ئاوێنه وه‌ک ئاوێنه‌ی باڵانوێنی من ده‌نوێنی ، هه‌ر له تۆدا خۆم ده‌بینم گه‌ڵای زه‌ردی خه‌مه‌کانم له به‌ر تۆدا ده‌وه‌رێنم زوڵفی سه‌وزی به‌هارانه‌م به‌رانبه‌ر تۆ داده‌هێنم هه‌رچی هیوا و دڵخۆشیمه به هۆی تۆوه ده‌نه‌خشێنم ! به‌ڵام ، ئه‌گه‌ر تۆش ڕۆژێكی لێڵت کردم ده‌ت شکێنم ! بۆ شمشاڵ ژه‌نی كورد ؛ قاله مه‌ڕه: شمشاڵ گۆرانیه‌ك باڵی شكا! بلوێرێك مرد! حه‌یرانێك ڕووی كرده غوربه‌ت ! بڕنه‌وێكی ڕه‌قه‌م حه‌ڤده له گولله‌كه‌ی خۆی یاخی بوو ! شێعرێكیش بوو به دێوانه! شمشاڵێكی موكوریانیش، ڕووی كرده دونیای ئه‌فسانه! ــــــــــــــــــــــــــــــ ـــــــــــــ تا ئەو پەڕی فەرامۆشی ! حەزم دەكرد ؛ وەك سۆزی عاشقانە بی جوان بووكەكەی ، شارە جوانەكەم« بانە »بی! ئەفسانە بی ! حەزم دەكرد ؛ بەهانە بی ! فەرامۆش كەم ، هەموو جیهان بە لاتەوە ! بەڵام ئێستا ، ئەگەڕێم بۆ بەهانەیەك كە تۆم لە بیر بباتەوە ! ــــــــــــــــــــــــــــــ ـــــــــــــ مه‌رج ڕه‌نگه چاوه‌كانت ڕه‌ش بن ڕه‌نگه پێستت گه‌نم ڕه‌نگ و زوڵف و برۆت قه‌ترانی بی! به‌ڵام من بۆ خۆشه‌ویستی دڵێكم ده‌وێ شه‌یدابێ سه‌رێك سه‌رشێت و ڕیسوابێ بێ په‌روا بێ! وه‌کوو«ک.د.ئازاد» وابێ! خۆر په‌‌رده‌‌یه‌‌كی سوور ، وه‌‌لاچوو ! په‌‌نجه‌‌ره‌‌یه‌‌ك ئاوه‌‌ڵا بوو ! خۆری سروشت دای له ناو ماڵ خۆری ناو ماڵ ، دای له شه‌‌قام ! منبه‌‌رانبه‌‌ر په‌‌نجه‌‌ره‌‌كه ، ڕاوه‌‌ستاوم ! له نێوانی ئهو دوو خۆره ، قه‌‌تیس ماوم ! خۆرێك جه‌‌سته‌‌م ئه‌‌لاوێنێ ! خۆرێك ، ڕووحم ئه‌‌تاوێنێ ! ــــــــــــــــــــــــــــــ ـــــــــــــ نزا من و ته‌نیایی و تاریکی و مۆمێکی نیوه داگیرساو ! خوایه نه‌کا ، بایه‌ک هه‌ڵ کا ! ئاوێته بوون كه ده‌‌‌‌ریایه‌‌‌‌ك ، بچێته ناو دڵی گه‌‌‌‌رمی وشكارۆیه‌‌‌‌ك ؛ باوه‌‌‌‌ش به یه‌‌‌‌كترا ده‌‌‌‌كه‌‌‌‌ن دڵیان پڕه له كوڵ و كۆ ! نه قهت ده‌‌‌‌ریای لێ ده‌‌‌‌مێنێ نه وشكارۆ ! كه من و تۆش به یه‌‌‌‌ك ده‌‌‌‌گه‌‌‌‌ین ؛ سه‌‌‌‌رمه‌‌‌‌ست و شاد ! نه تۆ ئیتر خۆت ده‌‌‌‌مێنی نه شاعیرێك ، پێی بوترێ : ك.د. ئازاد ! ــــــــــــــــــــــــــــــ ــــــــــــــــــــــــــ له قه‌فی گۆچانێک هه‌ڵکه‌ندرا بوو! ڕق ڕانه‌مه‌ڕی ئه‌م چیایه قهت نا به‌خشن ، ئهو گورگانه‌ی ئێستا وه‌ک سه‌گ، ده‌لێسنه‌وه پێڵاوی شوان ، کلکه سووته ده‌که‌ن بۆ نان ! ــــــــــــــــــــــــــــــ ـــــــــــــ دڵنیا یی بیر له هه‌رچی ده‌که‌مه‌وه ، ده‌که‌ومه ناو شک و گوما ن . زۆر ده‌ترسم له داهاتوو زۆر دوو دڵم ، له ئاکاری دونیای ئه‌مڕۆ ! به‌ڵام له دوو شت دڵنیام ، وه‌فای خۆم و ئه‌وینی تۆ!
__________________
شاره که م , به ندی دلم , ئه ی باغی مه ن
ره وره وه ی ساوایه تیم , سابلاغی مه ن دل به هیوات لیده دا , لانکی دلی تو له وه رزی یادی مه ن دا , سه رچلی خالید حسامی( هیدی ) 
|
| جای تبلیغات شما اینجا خالیست با ما تماس بگیرید | |
|
|
|
|
| کاربران در حال دیدن موضوع: 1 نفر (0 عضو و 1 مهمان) | |
حالت خطی
|
|
اکنون ساعت 05:36 PM برپایه ساعت جهانی (GMT - گرینویچ) +3.5 می باشد.