چۆارینه‌کانی خه‌ییام به‌ کوردی لاتین

[behnam5555]

چۆارینه‌کانی خه‌ییام به‌ لاتین

( 10)

مه‌یگێڕ وه‌ره‌ مه‌ی بێنه‌ زه‌بوونی بۆچی؟
با پێ بکه‌نین داخ له‌ ده‌روونی بۆچی ؟
کێ پرسی به‌ تۆ کرد له‌ نه‌بوون و بوونا ؟
بێهووده‌ کزی بوون و نه‌بوونی، بۆچی ؟

meygérr were mey béne zebúní bocí?
ba pé bikenín dax le derúní bocí ?
ké pirsí be to kird le nebún u búna ?
béhúde kzí bún u nebúní, bocí ?


دیم گۆزه‌که‌رێک قوڕی ده‌شێلا دوێنێ
ده‌نگێکم ده‌بیست ، باوکه‌ کوڕی ده‌دوێنێ :
ڕۆڵه‌م به‌زه‌ییت به‌ بابی خۆت دانایه‌ ؟
مه‌مشێله‌ به‌ قه‌و به‌ هێمنی پێم لێ نێ !


dím gozekerék qurrí deshéla duwéné
dengékm debíst , bawke kurrí deduwéné :
rrollem bezeyít be babí xot danaye ?
memshéle be qew be héminí pém lé né !


هه‌ر چه‌ندی بڵێی به‌ به‌ژن و باڵا جوانم
ڕوومه‌ت گوڵ و چاوکه‌ژاڵ و لێو قه‌یتانم
وه‌ستایێ که‌ وای له‌ خاک و گڵ داڕشتم
نیازی له‌مه‌ چی بوو؟ بۆچی کرد؟ نایزانم


he‌r cendí billéyí be bejhn u balla jwanim
rrúmet gwill u cawkejhall u léw qeytanim
westayé ke way le xak u gll darrshtim
níyazí leme cí bú? bocí kird? nayzanim


چووکێک له‌ که‌لاوه‌یه‌ک له‌ به‌ر لابایێ
ده‌یکۆڵی به‌ دندووکی ، سه‌ری پاشایێ
پێم وابوو ده‌ڵێ : بمگره‌ گه‌ر ده‌توانی
به‌و که‌لله‌یه‌ سوێند ده‌خۆم له‌ ده‌ستت نایێ


cúkék le kelaweyek le ber labayé
deykollí be dindúkí , serí pashayé
pém wabú dellé : bmgire ger detwaní
bew kelleye suwénd dexom le destt nayé