چۆارینه‌کانی خه‌ییام به‌ کوردی لاتین

[behnam5555]

چۆارینه‌کانی خه‌ییام به‌ لاتین

( 49)

فەرمووتە عەزابم هەیە ترسو لێ بێ
لەم گفتە دەبێ ئەی بترسێ کێ بێ ؟
تۆ ڕەحمەتی ، لەکوێ بی ، عەزاب بێکارە
ئەو جێیە کە بێ تۆیە دەبێ لە کوێ بێ ؟

fermúte 'ezabm heye tirsu lé bé
lem gifte debé ey bitrsé ké bé ?
to rehmetí , lekuwé bí , 'ezab békare
ew jéyíe ke bé toye debé le kuwé bé ?


مەڕوانە پەشێو و لێو بەبارم ، نە کەمم
بەرزم لە هەژاریا چیای سەر بەتەمم
هەر کەس لە سەرێکەوە خودا پێداوە
من خاوەنی شەشدانگی کوڵ و دەرد و خەمم

merrwane peshéw u léw bebarm , ne kemm
berzim le hejharíya cíyay ser betemm
her kes le serékewe xuda pédawe
min xawení sheshdangí kwill u derd u xemm



هەندێک بە خەیاڵ لە دین ژیرن
لایەک بە گومان لە بێ گومانی گیرن
سەیر دەبێ تێ بگەن کە هیچ تێ نەگەیین
کەمتر لە سەر پیاز و پەلکی سیرن !

hendék be xeyall le dín jhírin
layek be guman le bé gumaní gírin
seyr debé té bigen ke híc té negeyín
kemtir le ser píyaz u pelkí sírin!


بەهرەی چ وەدەست کەوت لە بوونما گەردوون؟
قازانجی چ دێتە رێ لەوانەی مردوون؟
هیچ کەس نیە لەم گێژە دەرم خا و بێژێ
بۆ بوون و ژیان و مان ق بۆ مردن و چوون؟

behrey ci wedest kewt le búnima gerdún?
qazanjí ci déte ré lewaney mirdún?
híc kes níye lem géjhe derm xa u béjhé
bo bún u jhíyan u man q bo mirdin u cún?