تا گەڕانەوە ناگەڕێمەوە
من ماچ دەكەم
هەموو جەغزەكانی زەوی
نەكا ناگاه یەكیان تامی مەمك و گۆبەرۆكی تۆ بات
تەنانەت...
پێدەكەنم بۆ وەهمەكانی سەردەم
بە بوونی ئەم بنیادەمە قورمیشیانە
بە هەگبەی بەتاڵ و خەونی ئاڵۆز و ناخی شڵەژاو
من ماچ دەكەم ماچ
هەست بە بآتاقەتی
خۆمان، خۆتان، هەموان، مردوو و زیندوو...
كەوا بەختی نووقاوی ڵە چاوە نەگریسیەكاندا تۆقان
فڕموژێكی پیا بێنە
بە تۆفانی ئەم هەرێمە ژەنگاویەدا
تام بە ڕەنگی سپێدە دەسپێرم
بآ ئیزن وەرگرتن ڵە هەتاو
گڵۆر بوونەوە ڵە قاڵدرمەكانی هەڵزنان ماچ دەكرێ
دووچاوی بێكەران دەڕواننە باوەشی كاكێشانی حوزنى ڕووت
ڕەهێڵەی دابەزینە كە ڵاجانگ ختووڵكە دەدا
دن... بێ... نایێ... دون... دان...
نەمانداوە
تا ڵەم وەهمـستانە چڕەدا گوزەر دەكەم
بیكەم ، نەیكەم... بیكەم... نەیكەم
عەیبە ،
تا نفرەتەكان چڕوچاوی ئەم ژەنگە وەیشوومانە دابگرێ ؛
تەمەن
كۆتایی دێ
تەمەن بە داڕووخانی هەستەكان كەی پەی دەبا
تێدەگەین ، تێناگەین
تێدەگەن ، تێناگەن
شێر ، خەت
خەت
من پاش كۆتایی تەمەن
بەدی هاتنی خواستەكانم بۆ چیە ؟
ماچ دەكەم ، ماچ
جەغزەكانی داهاتوو
ئەی ئەوانەی بە خەیاڵە ساكارەكانی دیتنەوە ؛
دەستــپەڕ و بە خۆشتانەوە
نەشیڵێم دەزانن چی دەكەن
ڕامەوەستن و درگاكان گاڵە مەدەن
پێگەكانی ڕووسووری خەیاڵ مەسپێرن بە هەر كەسێ كە دەیناسن
تا دواهەمین دەنگی قێزاوی كچێنەكان
ناختان داڵدە ئەدا
هەناسە هەڵمەكێشن و مەقیژێنن
وست
با هەوراز بە زرمەی تۆپەكان بزانێ
با چاو بە خەیانەتی سەدەكان بـفامێنێ
با ڕوو ڵە سوور هەڵگەڕانی سێوەكان نفرەت بكا
ئێستا قەیـدی نیە، بێدەنگی بشكێنن، درزی بردووە
با دابەزین و سوار بوون ڵە پاسەكان
سەروتایەك نەبێت و هیچ
هێند بآگۆرانی مەبـن تا تاوان قێزتان ڵـێبـكا و
هزرە بەستوەكان كرم هەڵبێنن
ماچ دەكەم , ماچ
گوزەری هاتنەنێودنیا
پاش دووپات بوونەوەی موسڵینی و عومەر موختار، حەسەن ئەڵمەجید و عومەر خاوەر
دووپات بوونەوە هەر دەبێ
خۆتان وەدۆزن ڵەم دوورگە ماندوەدا ماندوەكان
مەنفی ڵە مەنفی : موسبەت
كە چۆك دادراو ڵە تەمەنی دایەگەورێ ، بابەگەورێ ، كۆرپە
چ تەمەنێك گرینگ نیە، خۆت بۆی دانێ
گڵۆر دەبمەوە ڵە قاڵدرمەكانی هەڵگەڕان و ماچ كردن
سام دەكەم
سام دەكرێت
ڵەو دوو چاوە ماندووەی كە هەناسەكان دەخوێننەوە
كپى كەسەكانی ئەم هەرێمە ژەنگاویە چ كات دانامركێ
من هەست بە قاو و قیژ دەكەم
گەر وانـیە : زمانت بگـرەو بڵێ قـژ
بێــدەنگی ڵەم ناخە شڵەژاوەدا تاوانـەو قەدەغەیە
دەشەكێمەوە بە ماچێكی تاقی نەكراو
ڵەوپەڕ هەورازەكانی بێ زرمـە
كۆڵانەكان تەنگەبەری بە ڵەشەوە هەڵدەواسن
بریسكەی چاوی كچانی بەر دركە
ڵە خواستی ماندوو خۆ وەردەدەن
وەریش نەدەن ؛ بۆچوونی خۆمان گرینگە
با قاقای دەروونیان بن بەستان كەڕ بكەن
هەر ڕۆدەچم بە قاڵدرمەكاناو
گڵۆری دەنگ دەبزركێنێ
وەدووی ماچی نەكراوەی جەغزێكی ماندوودا
ئێوارە باشێك چاوەڕوانم
هەتاو شۆڕ دەبێتەوە
بە پانتای ویستەكانـا تێدەپەڕی
هەنگاوە تۆقاوەكان مەودای چەمانەوە نادەن
بە تێر نەبوون ڵە ماچی تۆ
ماچ دەخوازرێ
پێكەنینت تا قوڵایی دەمارەكانم هەڕا دەكەن
تۆ دوور دەچیت
چاوەڕوانی سێسەدو شەست دەرەجەم
بابان وێران
چەند شار ڵە شان دەهاڵێت و
دەڕوانمە كۆڵانە تەم گرتوەكان
زرمەی دركە سێسەدو شەست دەشكێنێ
بێ بەڵگە
هەموو سێسەدو شەستێ
تامی مەمك و گۆبەرۆكی تۆ نایا
خەونێكی هاڵۆزە و نەگەڕانەوە بێ ماچ كردن
قەیدی نـیە
با هەموو سێسەدو شەستەكان بشكێن
بێ ماچ بردن .
سدیق کریمپور
06-24-2010
تا گەڕانەوە ناگەڕێمەوە
حالت خطی
